जास्त लसूण खाणं ठरू शकतं घातक, जाणून घ्या लसूण खाण्याची योग्य पद्धत...

Garlic Side Effect : सणाचे अनेक फायदे असण्यासोबतच आरोग्याला काही नुकसानही होतात. अधिक प्रमाणात लसणाचं सेवन केल्याचे जाणून घेऊया काही नुकसान...

Side effects eating raw garlic  : लसणाचा वापर रोज वेगवेगळ्या पदार्थांमध्ये केला जातो. सोबतच लसणाचे आरोग्यालाही अनेक फायदे होतात. वेगवेगळ्या आजारांच्या उपचारासाठी याचा औषध म्हणून वापर वर्षानुवर्षे केला जातो. पण लसणाचे अनेक फायदे असण्यासोबतच आरोग्याला काही नुकसानही होतात. अधिक प्रमाणात लसणाचं सेवन केल्याचे जाणून घेऊया काही नुकसान...

त्वचेचं नुकसान

काही लोक हे चेहऱ्यावर लसणाची पेस्ट लावतात. पण हे काहींसाठी नुकसानकारक ठरु शकतं. काहींसाठी असं हे चांगलं असलं तरी काहींना यामुळे चेहऱ्यावर जळजळ होण्याचा त्रास होऊ शकतो. 

सर्जरी

लसणामुळे रक्ताचा संचार अधिक वेगाने होतो. त्यामुले सर्जरीच्या कमीत कमी दोन आठवड्यांपूर्वी लसणाचं सेवन करु नये. याने सर्जरीमध्ये अनेक अडचणी येण्याची शक्यता असते. 

ब्लीडिंग डिसऑर्डर

ताजा लसूण तुमची ब्‍लीडिंगची समस्या वाडवू शकतो. त्यामुळे ब्लीडिंग डिसऑर्डरच्या समस्येपासून दूर राहण्यासाठी लसणाचं सेवन योग्य प्रमाणातच करायला हवं. 

हृदयासाठी घातक

अनेक संशोधनानुसार, लसूण खाल्लाने रक्तातील कोलेस्ट्रॉल स्तरात कमतरता आढळली आहे. असेही आढळले आहे की, लसणाच्या अधिक सेवनामुळे हृदय विकाराचा धक्काही आला आहे. 

पोट आणि पचनक्रियेत समस्या

कशातही मिश्रीत न करता तसाच कच्चा खाल्लेल्या लसणामुळे पोटात दुखणे, भूक कमी लागणे, गॅस, उलटी होणे, पोटात-छातीत जळजळ होणे, डायरिया अशाप्रकारच्या समस्या होऊ शकतात. 

आयुर्वेदात लसूण खाण्याची योग्य पद्धत

डॉक्टरांनी सांगितलं की, लसण कधीच अख्खा खाऊ नये किंवा गिळू नये. याच्या वापराची योग्य पद्धत याला बारीक करून किंवा कापून खाण्यात आहे. याचं सगळ्यात मोठं कारण म्हणजे यात आढळणारं तत्व एलिसिन आहे. ज्याला बारीक केल्यावरच याची शक्ती वाढते.

आयुर्वेद डॉक्टरांनी सांगितलं की, हिवाळ्यात लसूण फारच फायदेशीर ठरतो. याचं सेवन उन्हाळ्यातही करता येतं. मात्र, उन्हाळ्यात प्रमाण कमी असावं. तसेच हाय ब्लड प्रेशर, गॅस आणि पोटात जळजळसहीत इतर काही समस्या असलेल्या लोकांनी लसूण खाऊ नये. असं केल्याने त्यांची समस्या वाढू शकते आणि हॉस्पिटलमध्ये जाण्याची वेळ येऊ शकते. अशात लसणाचं सेवन काळजीपूर्वक करावं.