उन्हाळ्यात वाढते केसगळतीची समस्या, जाणून घ्या काय कराल उपाय!

Hair Care Tips : उन्हाळ्यात उन्हामुळे, धुळीमुळे, घामामुळे आणि प्रदूषणामुळे केसगळतीची समस्या खूप जास्त होते. केवळ महिलाच नाही तर पुरूषांना सुद्धा ही समस्या होते. अशात जर केसांची योग्य काळजी घेतली गेली नाही तर केस कमजोर होऊन केस गळू लागतात. अनेकदा वेगवेगळ्या प्रॉडक्टमध्ये असलेल्या हानिकारक केमिकल्समुळे केस डॅमेज होतात. अशात काही टिप्स फॉलो करून पुरूष त्यांच्या केसांची काळजी घेऊ शकतात.

1) ड्राय केसांसाठी काय करावे?

केस ड्राय असण्याचं कारण डोक्याची त्वचा कोरडी किंवा रखरखीत असणे हे आहे. यामुळे केसांमध्ये डॅड्रफ होतात. अशात केसांची तेलाने मालिश करणे गरजेचं आहे. 

काय करू नये?

गरम पाण्याने केस धुतल्याने केसांचा रखरखीतपणा आणखी वाढतो. यामुळे गरम पाण्याने केस न धुणे हेच केसांसाठी फायदेशीर ठरतं.

2) तेलकट केसांसाठी काय करावे?

जर तुम्हाला वाटत असेल की, केस कमी चिकट आणि तेलकट दिसावे तर यासाठी ऑइल फ्री शॅम्पूचा वापर करावा. सोबतच केस धुतल्यानंतर कंडीशनर लावा.

काय करू नये?

डोक्याच्या ऑयली त्वचेवर तेल लावू नका. याने केस आणखी जास्त तेलकट दिसू शकतात.

3) केस धुतांना काय काळजी घ्यावी?

केस धुण्यासाठी कोमट पाण्याचा वापर करावा आणि आठवड्यातून कमीत कमी 2 ते 4 वेळा तेलाने मालिश करा. केस धुतल्यानंतर कंडीशनर जरूर लावा.

काय करू नये?

चांगलं वाटत असलं तरी केस धुण्यासाठी फार गरम पाण्याचा वापर करू नये. याने केस अधिक कमजोर होतात. सोबतच केस कोरडे करण्यासाठी ड्रायरचा वापर करू नका. याने केसांवर दबाव पडतो आणि केस तुटतात.