Rules changing from 1st march : कोरोना लसीकरण ते बँकांपर्यंत, उद्यापासून हे नियम बदलणार; सामान्यांवर थेट होणार परिणाम 

Rules changing from 1st march : कोरोना लस मिळण्याचा पुढच्या टप्पा सुरु होणार असून शिवाय एलपीजीच्या नव्या किंमती लागू होतील. काही राज्यांमध्ये प्राथमिक शाळा (Primary School Starts from tomorrow) देखील सुरू होत आहेत.

दरवर्षी मार्च महिन्याच्या सुरूवातीपासून काही बदल होत असतात. या बदलांचा थेट संबंध सर्व सामान्यांच्या रोजच्या  जगण्यातील महत्वाच्या गोष्टींशी असतो. यावर्षीही उद्यापासून काही (Rules Changing from 1st March 2021)  बदल होणार आहेत. कोरोना लस मिळण्याचा पुढच्या टप्पा सुरु होणार असून शिवाय एलपीजीच्या नव्या किंमती लागू होतील. काही राज्यांमध्ये प्राथमिक शाळा (Primary School Starts from tomorrow) देखील सुरू होत आहेत. उद्यापासून कोणते नवीन नियम लागू होतील याबाबत आम्ही तुम्हाला सांगणार आहोत. 

आजारी, वयस्कर लोकांना मिळणार कोरोनाची लस

आरोग्य क्षेत्रातील एक महत्त्वाचा टप्पा १ मार्चपासून लागू होणार आहे. उद्यापासून ६०  वर्षापेक्षा जास्त वय असणाऱ्या ज्येष्ठांना आणि ४५  वर्षांपेक्षा जास्त वय असणाऱ्या गंभीर आजार असणाऱ्या व्यक्तींना कोरोना लस मिळणार आहे. १ मार्चपासून कोरोना व्हायरस लसीकरणाचा (Coronavirus Vaccination Drive) हा पुढचा टप्पा सुरू होत आहे. सरकारी रुग्णालयांमध्ये लस मोफत मिळणार असून खाजगीमध्ये काही शुल्क आकारले जाणार आहे.

एसबीआयमध्ये केव्हायसी अनिवार्य

उद्यापासून एसबीआय ग्राहकांना केव्हायसी अपडेट करणं अनिवार्य आहे. जे ग्राहक हे केव्हायसी अपडेट करून देणार नाहीत. त्यांना विविध सरकारी योजनांचा किंवा इतर योजनांचा लाभ घेताला समस्येला सामोरं जावं लागू शकतं.

LPG गॅस सिलेंडरचे दर

तेल कंपन्या दर महिन्याच्या पहिल्या तारखेला एलपीजी गॅस सिलेंडरच्या किंमती (LPG Gas Cylinder Price) निश्चित करतात. १ मार्च रोजी या किंमतीत बदल होऊ शकतो. फेब्रुवारी महिन्यात एकूण ३ वेळा तेल कंपन्यांनी एलपीजी गॅसच्या किंमती बदलल्या आहेत.

३ राज्यात प्राथमिक शाळा उघडणार

उत्तर प्रदेश आणि बिहारमध्ये सर्व प्राथमिक शाळा (पहिली ते पाचवी) १ मार्चपासून उघडणार आहेत. तर हरियाणामध्ये ग्रेड १ आणि २ साठी नियमित वर्ग सुरू करण्याचा निर्णय घेतला आहे. हरियाणामध्ये तिसरी ते पाचवीसाठी शाळा आधीच उघडल्या आहेत. दिलासादायक! आता कोरोनापासून बचाव करणं आणखी सोपं होणार; टॅबलेटमध्ये मिळू शकते लस

बँक ऑफ बडोदामध्ये होणार बदल

विजया बँक (Vijaya Bank) आणि देना बँकेचा (Dena Bank) आयएफएससी (IFSC Code) कोड 1 मार्चपासून निष्क्रिय होईल. या बँकांच्या ग्राहकांना उद्यापासून नवीन IFSC कोड वापरावा लागणार आहे. बँक ऑफ बडोदामध्ये (Bank of Baroda) या दोन्ही बँका विलिन झाल्यामुळे ग्राहकांना या बदलाला सामोरे जावे लागणार आहे. बँकेने याबाबतची पूर्वसूचना ग्राहकांना दिली आहे. हे विलिनीकरण 1 एप्रिल 2019 पासून लागू झाले आहे. आता या दोन्ही बँकांचे ग्राहक बँक ऑफ बडोदाचे ग्राहक आहेत. खुशखबर! जॉनसन एंड जॉनसनच्या 'सिंगल डोस' कोरोना लसीला मंजूरी; ६६ टक्के प्रभावी ठरणार