HMPV शरीरात कोणत्या भागावर सगळ्यात आधी हल्ला करतो? जाणून घ्या शरीरात काय दिसतात बदल!

HMPV : एक्सपर्टनुसार, हा व्हायरस मुख्यपणे श्वसन तंत्राला प्रभावित करतो आणि याची लक्षणं सामान्य फ्लूसारखीच आहेत.

HMPV : कोविड-१९ नंतर चीनमध्ये शेकडो लोकांना टेंशन देणारे ह्यूमन मेटापनेउमोव्हायरस (HMPV) हळूहळू जगातील इतर देशांमध्येही पसरत आहे. भारतात आतापर्यंत या व्हायरसच्या ५ पेक्षा जास्त केसेस समोर आल्या आहेत. बंगळुरू, अहमदाबाद, तामिळनाडूनंतर आता नागपूरमध्येही याची लागण झालेल्या केसेस आढळल्या आहेत. 

एक्सपर्टनुसार, हा व्हायरस मुख्यपणे श्वसन तंत्राला प्रभावित करतो आणि याची लक्षणं सामान्य फ्लूसारखीच आहेत. कमजोर इम्यूनिटी असणाऱ्या वयस्क लोकांना आणि लहान मुलांना याचं गंभीर इन्फेक्शन होण्याचा धोका अधिक असतो. 

HMPV सगळ्यात आधी कोणत्या अवयवाला प्रभावित करतो?

हा व्हायरस सगळ्यात आधी फुप्फुसं आणि श्वासनलिकेच्या सेल्सना नुकसान पोहोचवतो, ज्यामुळे श्वास घेण्यास समस्या होते. कफ होतो आणि इतरही समस्या होतात. कमजोर इम्यूनिटी असलेल्या लोकांमध्ये आणि लहान मुलांमध्ये याचं इन्फेक्शन लगेच होतं. 

शरीरात काय बदल होतात?

श्वास घेण्यास अडचण

हा व्हायरस श्वसन तंत्राला प्रभावित करतो. ज्यामुळे श्वास घेण्यास अडचण होऊ शकते. लहान मुलांमध्ये ही समस्या अधिक गंभीर होऊ शकते. 

ताप आणि थकवा

या व्हायरसचं इन्फेक्शन झाल्यावर ताप, डोकेदुखी आणि शरीरात कमजोरी जाणवते. 

घशात खवखव आणि कफ

HMPV व्हायरस घशाला प्रभावित करतो, ज्यामुळे घशात खवखव, कोरडा खोकला आणि कफही येऊ शकतो. 

श्वास घेण्यास समस्या

व्हायरसचं इन्फेक्शन वाढल्यावर ब्रोंकाइटिस (Bronchitis), न्यूमोनिया (Pneumonia) आणि वायुमार्गात अडथळा यांसारख्या समस्या होऊ शकतात.

शरीरात ऑक्सीजनची कमतरता

या व्हायरसच्या गंभीर केसेसमध्ये शरीरात ऑक्सीजन लेव्हल कमी होऊ शकते. ज्यामुळे हायपोक्सिया (Hypoxia)ची स्थिती तयार होऊ शकते.

कसा कराल बचाव?

एक्सपर्टनुसार, HMPV पासून बचाव करण्यासाठी घरात स्वच्छता ठेवा, गर्दीच्या ठिकाणी जाणं टाळा आणि इम्यूनिटी मजूबत ठेवण्याचा प्रयत्न करा. लहान मुलं आणि वयोवृद्धांची अधिक काळजी घ्या.