अशी होते धूम्रपान करणाऱ्यांच्या फुफ्फुसाची अवस्था; व्हिडीओ पाहून बसेल धक्का...

जागतिक आरोग्य संघटनेच्या माहितीनुसार, तंबाखूमुळे दरवर्षी 80 लाखांपेक्षा जास्त लोकांचा मृत्यू होतो.

World No Tobacco Day : आज, म्हणजेच 31 मे रोजी जागतिक तंबाखू विरोधी दिन साजरा केला जातो. या दिवसाचा उद्देश लोकांना तंबाखूच्या सेवनामुळे होणाऱ्या गंभीर आजारांची माहिती देणे आणि त्यांना तंबाखूचे सेवन बंद करण्यास प्रोत्साहित करणे हा आहे. वर्ल्ड हेल्थ ऑर्गनायझेशन (WHO) नुसार, तंबाखूमुळे जगभरात दरवर्षी 8 मिलियनहून अधिक लोकांचा मृत्यू होतो. या मृत्यूंपैकी सुमारे 10 लाख लोक असे आहेत, जे स्वतः तंबाखूचे सेवन करत नाहीत, परंतु धुराच्या संपर्कात आल्याने आजारी पडतात.

आज जागतिक तंबाखू विरोधी दिनानिमित्त आपण तंबाखूच्या सेवनामुळे होणाऱ्या गंभीर आरोग्य धोक्यांविषयी, विशेषत: धुम्रपानामुळे फुफ्फुसांवर होणाऱ्या घातक परिणामांविषयी माहिती देणार आहोत.

धूम्रपान केल्याने फुफ्फुसांचे नुकसान कसे होते?
* तंबाखूच्या धुरात 7000 हून अधिक हानिकारक रसायने असतात, ज्यापैकी बहुतांश कर्करोगजन्य असतात.
* धुम्रपान केल्यावर ही रसायने फुफ्फुसातील हवेच्या पिशव्या (अल्व्होली) पर्यंत पोहोचतात, जिथे ते ऑक्सिजन आणि कार्बन डायऑक्साइडच्या कार्यात व्यत्यय आणतात.
* हळूहळू अल्व्होली खराब होते आणि संकुचित होते, ज्यामुळे श्वास घेण्यास त्रास होतो.
* कालांतराने धूम्रपानामुळे एम्फिसीमा आणि क्रॉनिक ब्राँकायटिससारखे गंभीर श्वसनाचे आजार होऊ शकतात, जे जीवघेणे ठरू शकतात.

निरोगी विरुद्ध धूम्रपान करणाऱ्यांचे फुफ्फुस
निरोगी फुफ्फुसे गुलाबी आणि लवचिक असतात आणि हजारो अल्व्होलीपासून मुक्त असतात, जे रक्तप्रवाहात ऑक्सिजन पोहोचवणे आणि कार्बन डायऑक्साइड बाहेर टाकण्याचे कार्य करतात. तर, धूम्रपान करणाऱ्या व्यक्तीचे फुफ्फुस काळे, कठोर आणि खराब होतात, अल्व्होली संकुचित होते आणि त्यात श्लेष्मा जमा होतो. हे फुफ्फुसाचे कार्य कमी करते, ज्यामुळे श्वास लागणे, खोकला आणि थकवा यासारख्या समस्या उद्भवू शकतात. खालील व्हिडिओमध्ये पाहू शकता.

"गुटका,पान,तम्बाकु,सिगरेट इनसे है नुकसान,

हो सकता है कैंसर और जा सकती है जान।"

आज विश्व तंबाकू निषेध दिवस है,आईए देखते हैं स्मोकिंग करने वालों के फेफड़ों(lungs) का क्या हाल होता है ......

जिन्हें स्मोकिंग लत है उन्हें यह वीडियो जरूर दिखाएं #WorldNoTobaccoDay#QuitSmokingpic.twitter.com/ufG0cL2Mea

— Dr Vikas Kumar (@drvikas1111) May 31, 2024

धूम्रपान सोडण्याचे फायदे
* धूम्रपान सोडल्याने फुफ्फुसांना बरे होण्याची आणि हळूहळू निरोगी होण्याची संधी मिळते.
* श्वासोच्छ्वास सुधारतो, थकवा कमी होतो आणि ऊर्जा पातळी वाढते.
* हृदयरोग, पक्षाघात आणि कर्करोग यांसारख्या गंभीर आरोग्य जोखमींचा धोका कमी होतो.