उन्हाळ्यात रात्री झोपताना अजिबात करू नका 'ही' चूक, पडू शकते महागात!

World Sleep Day : प्रश्न हा आहे की, अंडरविअर घालून झोपणे आरोग्यासाठी चांगलं आहे की नुकसानकारक? चला आज World Sleep Day निमित्त याचं उत्तर जाणून घेऊ.

World Sleep Day: प्रत्येकांची झोपण्याची पद्धत वेगवेगळी असते. कुणी कॉटनचा पायजामा घालून झोपतात तर कुणी शॉर्ट्स-टीशर्ट्स किंवा लूंगी घालतात. याहूनही वेगळं म्हणजे काही लोक नग्न होऊन झोपतात. पण प्रश्न हा आहे की, अंडरविअर घालून झोपणे आरोग्यासाठी चांगलं आहे की नुकसानकारक? कारण आता उन्हाचा तडाखाही वाढत चालला आहे. अशात चला आज World Sleep Day निमित्त याचं उत्तर जाणून घेऊ.

फायदेशीर की नुकसानकारक?

जास्तीत जास्त लोक हिवाळ्यात रात्री पायजामा आणि उन्हाळ्यात रात्री अंडरविअर घालून झोपतात. पण एक्सपर्टचं असं म्हणणं आहे की, जर तुम्ही अंडरविअर घालून झोपत असाल तर तुम्हाला आरोग्याशी संबंधित समस्यांचा सामना करावा लागू शकतो. त्यांच्या म्हणण्यानुसार, रात्री निर्वस्त्र होऊन झोपणं अधिक फायदेशीर असतं. कारण या अवयवांना सतत कपड्याने झाकून ठेवल्याने इन्फेक्शनचा धोका असतो. असे केल्याने घाम येणाऱ्या शरीरात बॅक्टेरियाला जास्त पुरक वातावरण मिळतं. 

सतत कपडे किंवा अंडरविअर घालून राहिल्याने प्रायव्हेट पार्टवर येणारा घाम सुकत नाही. प्रायव्हेट पार्टच्या भागात नेहमी ओलावा राहतो आणि बॅक्टेरियांना तिथे वाढण्यास संधी मिळते. याने स्कीन इन्फेक्शनसोबतच, खाज, चिडचिड वाढते. महिलांमध्ये ही समस्या अधिक गंभीर असते. याचा प्रभाव त्यांच्या मासिक पाळीवरही पडतो. त्यामुळे एक्सपर्ट्स सांगतात की, जे लोक रात्री पूर्णपणे कपडे काढून झोपू शकत नाहीत त्यांनी सैल कपडे परिधान करून झोपावे.

काही रिसर्चमधून वेगवेगळी मतं समोर आली आहेत. या रिसर्चमध्ये सांगण्यात आलं की, टाइट किंवा लूज अंडरविअर परिधान केल्याने काहीही फरक पडतो. टाइट अंडरविअर परिधान केल्याने पुरुषांच्या शुक्राणूंची गुणवत्ता प्रभावित होते.