जिल्ह्यात कोविडचे नवीन ११ रुग्ण ; तर २ बरे

रविवारी प्राप्त झालेल्या अहवालानुसार, आरटीपीसीआरद्वारे हिंगोली परिसर ३ यामध्ये चिंचाेली येथील १, आनंदनगर, भानखेडा, अंधारवाडी, सावा तर सेनगाव २ यामध्ये सेनगाव व आजेगाव येथील १, औंढा नागनाथ ३ यामध्ये शिंदेवाडी, दुघाळा तांडा येथील दाेघांसह ११ जण आढळून आले आहेत. तर रॅपिड अँटीजेन टेस्टद्वारे वसमत येथे १० जणांची तसेच सेनगाव येथे ७ एकूण १० जणांची तपासणी केली.

सद्य:स्थितीत जिल्हा सामान्य रुग्णालयातील आयसोलेशन वाॅर्डमध्ये भरती असलेल्या कोविड रुग्णांपैकी २ रुग्णांची प्रकृती गंभीर असल्याने त्यांना ऑक्सिजन सुरू आहे़ २ रुग्णांची प्रकृती अतिगंभीर असल्यामुळे त्यांना बायपॅप मशीनवर ठेवले आहे, अशा एकूण ४ रुग्णांवर सद्य:स्थितीत उपचार सुरू आहेत.

जिल्ह्यात कोविडचे एकूण ३ हजार ५३६ रुग्ण झाले असून त्यापैकी ३ हजार ४२८ रुग्ण बरे झाल्याने त्यांना डिस्चार्ज देण्यात आला आहे. तर आजघडीला जिल्ह्यात एकूण ५५ रुग्णांवर उपचार सुरू आहेत. तसेच कोविडमुळे जिल्ह्यात आतापर्यंत ५३ व्यक्तींचा मृत्यू झाला आहे.