लग्नाचे वऱ्हाड घेऊन येणाऱ्या टेम्पोचा अपघात; पाचजण गंभीर तर आठजण किरकोळ जखमी

औंढा नागनाथ :  हिंगोली येथून लग्न समारंभ आटोपून गावाकडे परत येत असताना वडाच्या टेम्पोला सुरेगाव नजीक परभणी-हिंगोली मार्गावर समोरासमोर अपघात झाल्याची घटना घडली आहे.  या अपघातात पाच जण गंभीर जखमी झाले असून आठ जण किरकोळ जखमी झाले आहेत. सोमवारी दुपारी चार वाजता सुरेगाव गावाजवळ ही घटना घडली आहे.

 औंढा नागनाथ तालुक्यातील रेवांसिग तांडा येथील  रुस्तुम राठोड यांच्या मुलाचे लग्न अंबादास जाधव यांच्या मुलीसोबत होते. हिगोली येथे सोमवारी दुपारी ११:२३वाजता  झाले लग्न समारंभ आटोपून गावाकडे परत येत असताना त्यांच्या पिकाउप वाहनाला हिंगोलीकडे जाणारा ऐशर टेम्पो (एम एच ०४ जी सी ५३९४) ने समोरासमोर धडक दिली.

अपघातात लग्नाच्या संतूर राठोड, रवींद्र विनोद राठोड, कृष्णा चव्हाण, प्रवीण राठोड आणि शैलेश राठोड या पाच जणांना डोक्याला व हातापायाला गंभीर दुखापत झाली आहे. त्यांना तातडीने  पोलीस निरीक्षक  बैजनाथ मुंढे , एपी आय मुंजाजी वाघमारे , अफसर पठाण  ज्ञानेश्वर गोरे, गजानन गिरी,  राजकुमार कुटे वसीम पठाण , राजकुमार सुऱ्ये गणेश गायकवाड यांनी ग्रामीण  रुग्णालयात उपचारासाठी आणले. परंतु त्यांना गंभीर मार लागणे  त्य त्यांची प्रकृती चिंताजनक असून त्यांना नांदेड येथे उपचारासाठी पाठवण्यात आले आहे. तर तर गणेश राठोड ,दिलीप राठोड, लव राठोड ,विशल राठोड, परमेश्वर राठोड ,चंद्रभागा राठोड ,यशोदा बाई पवार, सरू बाई चव्हाण हे आठ जन किरकोळ जखमी झाले आहेत. दरम्यान, अपघातानंतर जखमींच्या नातेवाईकांनी रुग्णालयात मोठी गर्दी केली होती.