हिंगोलीत ट्रक व जीपचा भीषण अपघात, सहा जणांचा जागीच मृत्यू

हिंगोलीमध्ये ट्रक आणि जीपच्या धडकेत सहा जणांचा जागीच मृत्यू झाला आहे.

हिंगोली -  कलगाव पाटीजवळ गुरुवारी (20 सप्टेंबर) रात्री उशिरा ट्रक व जीपचा भीषण अपघात झाला. या अपघातात 6 जणांचा जागीच मृत्यू झाला असून अन्य दोन जण गंभीर जखमी झाले आहेत. जखमींवर हिंगोली जिल्हा रुग्णालयात दाखल करण्यात आले आहे. पुढील उपचारासांठी त्यांना नांदेडमध्ये हलविण्यात आले आहे.  मध्यरात्री 2 वाजेच्या दरम्यान हा भीषण अपघात झाल्याची माहिती समोर आली आहे.

भरधाव ट्रकनं (एचआर ६९ ए ६८५५ ) जीपला (एमएच ३७ व्ही २४४४ ) जोरदार धडक दिली.  हा अपघात एवढा भीषण होता की जीपचा चुराडा झाला आहे.  मृतांमध्ये वाशिममधील सहा जणांचा समावेश असल्याची माहिती समोर आली आहे.

मृतांची नावे

1.गणेश लक्ष्मण हजारे 

2.नरसिंह सोपान हजारे

3.सतिश नारायण मुरकुटे

4.राजू विष्णू धामणे

5.अनिल गजानन चव्हाण

6. स्वप्नील राम इरतकर अशी मृतांची नावे आहेत.

जखमींची नावे

1. मदन जयाजी चव्हाण

2. सखाराम जिजीब जाधव