वसमत-परभणी रस्त्यावर जीप उलटली; ११ जखमी

वसमत ते परभणी प्रवासी वाहतूक करणारी जीप रांजोणा पाटीजवळ शनिवारी उलटल्याची घटना घडली. या अपघातात विविध गावांचे ११ प्रवासी जखमी झाले आहेत. तर गंभीर जखमींना नांदेड येथे रेफर करण्याचे नियोजन केले जात होते.

लोकमत न्यूज नेटवर्क
वसमत : वसमत ते परभणी प्रवासी वाहतूक करणारी जीप रांजोणा पाटीजवळ शनिवारी उलटल्याची घटना घडली. या अपघातात विविध गावांचे ११ प्रवासी जखमी झाले आहेत. तर गंभीर जखमींना नांदेड येथे रेफर करण्याचे नियोजन केले जात होते.
वसमत- परभणी प्रवासी घेवून निघालेली जीप रांजोना पाटीजवळ उलटली. जीपमध्ये कोंबून प्रवासी बसविण्यात आले होते. या अपघातात पवन शिंदे (रा.परभणी), जर्नाधर काळे, पुरभाजी चेरंगे, चंद्रशेखर शिंदे, सटवाजी चेरंगे, संगीता चेरंगे (चिखली), पांडुरंग कदम, वंदना कदम (जवळा खंदारबन), शेख मोसीन (वसमत), दत्ता सावंत, जयश्री सावंत (बोरी सावंत), सोनाली खुळखुळे (चिखली) हे प्रवासी जखमी झाले आहेत.
अपघातग्रस्तांना १०८ क्रमांकाच्या रूग्णवाहिकेद्वारे उपजिल्हा रूग्णालयात दाखल करण्यात आले आहे. प्राथमिक उपचारानंतर गंभीर जखमींना नांदेडला रेफर केले जाणार होते. याबाबतचा अधिक तपशिल मिळू शकला नाही.