वसमत येथे माजीमंत्री जयप्रकाश मुंदडा यांच्या घरावर दगडफेक;तिघे ताब्यात

माजी मंत्री डॉ. जयप्रकाश मुंदडा यांच्या निवासस्थानी अज्ञातांनी गेट व दरावर दगडफेक केली.

हिंगोली: वसमत येथील माजीमंत्री डॉ. जयप्रकाश मुंदडा यांच्या घरावर आज अज्ञातांनी दगडफेक केली. या घटनेची माहिती कळताच शहर पोलिसांनी तातडीने घटनास्थळी भेट दिली. यावेळी तिघांना ताब्यात घेतले आहे. याप्रकरणी शहर पोलीस ठाण्यात गुन्हा दाखल करण्याची प्रक्रिया सुरू आहे.

वसमत शहरातील जुने तहसील परिसरात ३१ ऑक्टोबर रोजी सकाळी १० वाजता  माजी मंत्री डॉ. जयप्रकाश मुंदडा यांच्या निवासस्थानी अज्ञातांनी गेट व दरावर दगडफेक केली. या घटनेची माहिती पोलिस निरीक्षक चंद्रशेखर कदम यांना मिळताच घटनास्थळी सपोनि पंढरीनाथ बोदणापोड, जमादार गजानन भोपे,शेख हकीम,बालाजी मिरासे आदींनी यांच्या सह आदि पोलिसांनी तातडीने धाव घेत  तिघांना ताब्यात घेतले. यानंतर पोलिसांनी घटनास्थळी बंदोबस्त ठेवला आहे.ताब्यात घेतलेल्या तिघांविरुद्ध शहर ठाण्यात गुन्हा दाखल करण्याची प्रक्रिया सुरू आहे.