पत्नीच्या अनैतिक संबंधांमुळे आत्महत्या

येथे शेतातील लिंबाच्या झाडाला गळफास घेवून एका ३४ वर्षीय तरुणाने आत्महत्या केल्याची घटना ३० आॅगस्ट रोजी दुपारी एक वाजता निदर्शनास आली. दुपारपासून हे प्रेत डॉक्टर व कटर नसल्याने शवविच्छेदन होत नसल्याने रात्री उशिरापर्यंत प्रेत तेथेच होते. नंतर पत्नीसह चौघांवर गुन्हा नोंद झाला.

लोकमत न्यूज नेटवर्क
गोरेगाव : येथे शेतातील लिंबाच्या झाडाला गळफास घेवून एका ३४ वर्षीय तरुणाने आत्महत्या केल्याची घटना ३० आॅगस्ट रोजी दुपारी एक वाजता निदर्शनास आली. दुपारपासून हे प्रेत डॉक्टर व कटर नसल्याने शवविच्छेदन होत नसल्याने रात्री उशिरापर्यंत प्रेत तेथेच होते. नंतर पत्नीसह चौघांवर गुन्हा नोंद झाला.
सेनगाव तालुक्यातील गोरेगाव येथील हनुमान परसराम कावरखे (३४) यांनी सेनगाव रस्त्यालगत निळडव्ह शिवारात आपल्या शेतात लिबांच्या झाडाला गळफास घेवून आत्महत्या केल्याची घटना ३० आॅगस्ट रोजी सकाळी घडली. दुपारी १ वाजेच्या सुमारास काही शेतकरी व वाटसरूंच्या सदर घटना निदर्शनास आली. त्यांनी पोलिसांना माहिती दिली. बीट जमादार भूमीराज कुमरेकर, पोकॉ भुजबळ यांनी घटनास्थळी जावून पंचनामा केला. तद्नंतर शवविच्छेनासाठी प्रेत प्राथमिक आरोग्य केंद्रात दाखल केले आहे. मात्र येथेही डॉक्टर व कटर नसल्याने रात्री साडेआठ वाजेपर्यंत शवविच्छेदन झालेच नव्हते. दरम्यान, सायंकाळी सहानंतर पोलीस ठाण्यात मोठा जमाव जमला होता. रात्री साडेनऊच्या सुमारास यात पत्नी नितासह वाशिम जिल्ह्यातील किनखेडा येथील विठ्ठल दगडू अवचार व येवती येथील निर्मला रमेश शिंदे, रमेश शिंदे या चौघांवर गुन्हा दाखल झाला. यात निताचे विठ्ठलशी अनैतिक संबंध होते. याबाबत विचारणा केली असता मयतास विठ्ठलसह इतर दोघांनी मारहाण केल्याचे तक्रारीत म्हटले.
ऊसतोड कामगाराची आत्महत्या
हिंगोली : तालुक्यातील अंभेरी येथे एका ऊसतोड कामगार असलेल्या युवकाने झाडाला दोरखंडाने गळफास घेऊन आत्महत्या केल्याची घटना गुरूवारी सकाळी ८ वाजेच्या सुमारास उघडकीस आली. मयत तरूणाचे नाव राहुल बाबूराव खंदारे (३४) आहे. मागील काही दिवसांपासून राहुल खंदारे चिंताग्रस्त असल्याचे ग्रामस्थांतून सांगितले जात होते. राहुल २९ आॅगस्ट रोजी घराबाहेर पडला, परंतु तो घरी परतलाच नाही. गावातील एका झाडाला दोरीने गळफास घेऊन आत्महत्या केल्याने राहुलचा मृतदेह गुरूवारी लटकेलेल्या अवस्थेत आढळला. घटनास्थळी पोलिसांनी धाव घेत पंचनामा केला.