कोरोनाचे नवे तीन रुग्ण; एक बरा

अँटिजन तपासणीत औंढा परिसरात २१ पैकी शिरड शहापूर येथे एक रुग्ण आढळला. तर हिंगोलीत १८८, सेनगाव ७६, वसमत ८६ व कळमनुरीत ७८ जणांची चाचणी करूनही कुणी बाधित आढळले नाही. आरटीपीसीआर चाचणीत हिंगोलीत ३०३ पैकी भारतनगर येथे एक, वसमतमध्ये ५८ पैकी मोहगाव येथे एक, असे दोन रुग्ण आढळले. तर सेनगावात ५८, औंढ्यात ३३ जणांची तपासणी करूनही कुणी बाधित आढळले नाही. बरा झाल्याने हिंगोली जिल्हा रुग्णालयातून एक रुग्ण घरी सोडला.

आजपर्यंत जिल्ह्यात कोरोनाचे एकूण १५ हजार ९६९ रुग्ण आढळून आले आहेत. यापैकी १५ हजार ५७४ जण बरे झाल्याने त्यांना घरी सोडले, तर ९ जणांवर उपचार सुरू आहेत. आजपर्यंत कोरोनाने ३८६ जणांचा मृत्यू झाला आहे. उपचार घेत असलेल्यांपैकी ४ जण ऑक्सिजनवर तर, २ जण बायपॅपवर आहेत.