महिलेची पैशाची पिशवी कापून नेली

हिंगोली तालुक्यातील कळमकोंडा येथील मजुरी करणाऱ्या छाया विजय कांबळे या बँकेत आल्या होत्या. त्यांच्याकडील पिशवीत २० हजारांची रक्कम होती. अज्ञात चोरट्याने गर्दीचा फायदा घेत त्यांची पिशवी कापून नेली. ही बाब लक्षात येईपर्यंत चोरटा पसार झालेला होता. यामुळे कांबळे यांच्या फिर्यादीवरून अज्ञातावर गुन्हा दाखल करण्यात आला.

वसमत येथे शिक्षकाचे घर फोडले

हिंगोली : वसमत येथील श्रीनगर भागात राहणाऱ्या एका शिक्षकाचे घर फोडून चोरट्यांनी पन्नास हजारांचे दागिने लांबविल्याची घटना घडली.

श्रीनगर भागातील गंगाधर भोसले यांच्या घरी १३ ते १४ सप्टेंबरदरम्यान कोणी नसल्याने घराला कुलूप लावलेले होते. चोरट्यांनी ही बाब हेरून या कालावधीत चॅनल गेट तोडून आत प्रवेश केला. तसेच घराच्या दरवाजाचे कुलूप-कोयंडा तोडून घरात प्रवेश केला व घरातील सात ग्रॅमचे गंठण व पाच ग्रॅमची अंगठी असा एकूण ४९ हजार ३१२ रुपयांचा ऐवज चोरून नेला. याबाबत वसमत शहर पोलीस ठाण्यात दिलेल्या तक्रारीवरून गुन्हा दाखल करण्यात आला आहे.