FIH Women's Hockey World Cup : भारतीय महिलांना आव्हान राखण्यात यश, अमेरिकेला बरोबरीत रोखले

भारतीय संघाने महिला हॉकी विश्वचषक स्पर्धेतील 'B' गटातील अखेरच्या साखळी सामन्यात अमेरिकेला 1-1 अशा बरोबरीत रोखले.

लंडन - भारतीय संघाने महिला हॉकी विश्वचषक स्पर्धेतील 'B' गटातील अखेरच्या साखळी सामन्यात अमेरिकेला 1-1 अशा बरोबरीत रोखले. या निकालासह भारतीय महिलांनी गोल सरासरीच्या जोरावर विश्वचषक स्पर्धेतील आव्हान कायम राखले. 

भारतीय महिलांनी सुरूवात तर आत्मविश्वासाने केली, परंतु त्यांना सातत्य राखण्यात अपयश आले. पहिल्या सत्रातील 20 मिनिटांत मिळालेल्या चार पेनल्टी कॉर्नरवर भारतीय महिलांना गोल करता आला नाही. आक्रमणपटू नवनीत कौर पेनल्टी कॉर्नरवरून चेंडू इतक्या संथ गतीने पास करत होती, की अमेरिकेच्या गोलरक्षक जॅकी ब्रिग्जला चेंडूचा अंदाज बांधण्यासाठी पुरेसा वेळ मिळत होता. पाय मुरगळल्यामुळे  तिस-याच मिनिटाला कर्णधार राणी रामपालला मैदान सोडावे लागले आणि त्यानंतर भारताच्या आक्रमणाची धार बोथट झाली.

FT| The Indian Eves draw to fight another day as this 1-1 result against @USAFieldHockey seals their spot in the cross-over stage of the Vitality Hockey Women's World Cup London 2018 on 29th July 2018.#IndiaKaGame#INDvUSA#HWC2018pic.twitter.com/kb3oemMwO8

— Hockey India (@TheHockeyIndia) July 29, 2018

 

11 व्या मिनिटाला पॉलिनो मार्गोक्सने मैदानी गोल करून अमेरिकेला 1-0 अशी आघाडी मिळवून दिली. 15 व्या मिनिटाला राणी मैदानावर परतली. मात्र, पिछाडीवर पडलेल्या भारतीय खेळाडूंना पुनरागमन करता आलेच नाही. 18 व्या मिनिटाला उदिताने चालून आलेली संधी गमावली. गोलपोस्ट समोर असलेल्या उदीताला केवळ चेंडूला दिशा द्यायची होती आणि तेही तिला करता आले नाही. पहिल्या सत्रातील भारतीय महिलांचा खेळ आव्हान टिकवण्याच्या दृष्टीने साजेसा झालेला नाही. गोलरक्षक सविताने पुन्हा एकदा काही अप्रतिम बचाव केले.

HT| The Indian Eves fall back by a goal as they are caught out by Paolino in the first quarter of their final pool stage game at the Vitality Hockey Women's World Cup London 2018 against USA on 29th July 2018.#IndiaKaGame#INDvUSA#HWC2018pic.twitter.com/HuZRJk2nHH

— Hockey India (@TheHockeyIndia) July 29, 2018

आक्रमणातील ढिसाळपणा आणि समन्वयाचा अभाव यामुळे भारतीय खेळाडूंना पहिल्या सत्रात अनेक संधी मिळूनही गोल करता आलान नाही. अमेरिकेच्या खेळाडूंच्या तुलनेत भारतीय खेळाडू तंदुरूस्तीच्या बाबतीतही थकलेले जाणवत होते. मात्र दुस-या सत्रात भारतीय खेळाडू संपूर्ण ताकदीने खेळ केला. मध्यंतरानंतरच्या पहिल्याच मिनिटाला पेनल्टी कॉर्नरवर कर्णधार राणी रामपालने तेज तर्रार हिट लगावत भारताला बरोबरीचा गोल मिळवून दिला. 

31' GOAL! India get back into this encounter with a goal by Captain @imranirampal!

IND 1-1 USA#IndiaKaGame#INDvUSA#HWC2018pic.twitter.com/7yiOAuDr9O

— Hockey India (@TheHockeyIndia) July 29, 2018

आघाडी मिळवल्यानंतर बचावात्मक पवित्रा स्वीकारण्याचा अमेरिकेचा डाव फसला. भारतीय खेळाडूंनी अमेरिकेच्या D क्षेत्रात सातत्याने चढाई करून अमेरिकेच्या बचावपटूंना व्यग्र ठेवले. मध्यरक्षक मोनिका मलिकने आपली जबाबदारी चोख बजावली. तारा व्हिटेसेने बॅक फ्लिपवर गोल करण्याचा केलेला प्रयत्न सविताने सुरेख पद्धतीने अडवला. त्यामुळे 45 मिनिटांच्या खेळानंतर सामना 1-1 असा बरोबरीतच राहिला. 

42' SAVE! A brilliant moment brought to us by Savita as she calmly slaps away a powerful shot by Matson.

IND 1-1 USA#IndiaKaGame#INDvUSA#HWC2018pic.twitter.com/lEJVIoqqUH

— Hockey India (@TheHockeyIndia) July 29, 2018

अखेरच्या सत्रात पेनल्टी कॉर्नरवर राणीचा प्रयत्न यावेळी ब्रिग्जने अपयशी ठरवला. अखेरच्या सत्रात भारतीय महिलांकडून सातत्याने आक्रमणच झाले. 51व्या मिनिटाला निक्की प्रधानने आघाडीची संधी निर्माण केली, परंतु भारताला 1-1 अशा बरोबरीवरच समाधान मानावे लागले.