हृदयद्रावक! फोटोशूटमध्ये बिझी होती आई; हलगर्जीपणामुळे पाठीमागे 2 वर्षांच्या लेकाचा झाला मृत्यू

बाळाचे पालक पुलाच्या समोर उभा राहूनच फोटोशूट करत होते आणि मागे मुलगा हळूहळू खोल पाण्यात गेला.

आयुष्यात जेव्हा बाळ येतं तेव्हा जबाबदाऱ्या वाढतात. प्रायोरिटी बदलते. तुम्ही काहीही करत असलात तरी तुमचं पूर्ण लक्ष आपल्या बाळाकडेच असतं. हे बाळ अगदी कमी काळातच आपल्या आयुष्यातील महत्त्वाचं स्थान घेतं. लहान मुलांना बऱ्याच गोष्टींची समज नसते, त्यामुळे पालकांनाच त्यांच्याकडे लक्ष द्यावं लागतं आणि त्यांची काळजी घ्यावी लागते. मात्र, यात एखादी व्यक्ती कमी पडली तर नक्कीच आयुष्यभर तिला याचा पश्चाताप होत राहतो. अशीच एक हृदयद्रावक घटना आता घडली आहे. 

थायलंडमधून अशीच एक धक्कादायक घटना समोर आली आहे. 2 वर्षाचा एक मुलगा खेळता-खेळता स्विमिंग पुलमध्ये बुडाला आणि यामध्ये त्याचा मृत्यू झाला. ज्यावेळी ही घटना घडली तेव्हा बाळाचे पालक पुलाच्या समोर उभा राहूनच फोटोशूट करत होते आणि मागे मुलगा हळूहळू खोल पाण्यात गेला. एडल्ट साईट Onlyfans ची मॉडेल वियाडा पोंटावी (Wiyada Pontawee) हिला आता आपला मुलगा परत हवा आहे. मुलाच्या मृत्यूमुळे तिला मोठा धक्का बसला आहे.

2 वर्षाचा चवनकोन आपल्या घरातील पुलमध्ये खेळत होता. पालकांचे मॉडेल फ्रेंड्स आपल्याच मस्तीत मग्न होते. पालकही फोटोशूटमध्ये बिझी होते आणि बाळ स्विमिंग पुलमध्ये खेळत होतं. तिथे कोणाचंच त्याच्याकडे लक्ष नव्हतं. त्याच्य तोंडात पाणी शिरल्याने हे बाळ ओरडूही शकत नव्हतं. अचानक त्याच्या आई-वडिलांना काहीतरी वेगळा आवाज येत असल्याचं जाणवलं. मागे वळून पाहताच त्यांच्या पायाखालची जमीन सरकली. त्यांचा मुलगा पाण्यात बुडाला होता. लगेचच त्याला बाहेर काढून CPR देण्यास सुरुवात केली गेली. रुग्णालयातही नेण्यात आलं. मात्र त्याचा जीव वाचला नाही.

26 वर्षीय वियाडा पोंटावी एडल्ट साईट Onlyfans ची मॉडेल आहे आणि तिचा पती फोटोग्राफर आहे. त्यादिवशी घरात व्हॅलेंटाईन डेची पार्टी होती. त्यामुळे घरात अनेक पाहुणे होते. या पार्टीचा उद्देश साईटसाठी फोटोशूट करणं हादेखील होता. या पार्टीत अनेक एडल्ट मॉडेल फ्रेंड्सही होते. ज्यामुळे हे बाळ पुलात बुडलं तेव्हा त्याची आई पुलाच्या समोरच फोटोशूट करत होती. आता तिची रडून रडून अवस्था वाईट झाली आहे. एका हिंदी वेबसाईटने याबाबतचे वृत्त दिले आहे.