Afghanistan Earthquake : अफगाणिस्तानमध्ये भूकंपामुळे हाहा:कार! तब्बल ९५० जण मृत्यूमुखी; ६०० जखमी
By ऑनलाइन लोकमत | Published: June 22, 2022 04:03 PM2022-06-22T16:03:02+5:302022-06-22T16:03:46+5:30
अफगाणिस्तानमधील भूकंपाचे हादरे पाकिस्तानातही जाणवले
Afghanistan Earthquake : अफगाणिस्तानमध्ये भूकंपामुळे हाहा:कार! तब्बल ९५० जण मृत्यूमुखी; ६०० जखमी
Next Afghanistan Earthquake | भारताचे शेजारील राष्ट्र असलेल्या अफगाणिस्तान आणि पाकिस्तानमध्ये आज सकाळी भूकंपाचे धक्के बसले. मिळालेल्या माहितीनुसार हे धक्के ६.१ रिश्टर स्केलचे होते. भूकंपामुळेअफगाणिस्तानमध्ये मोठ्या प्रमाणावर नुकसान झाले आहे. भूकंपामुळे वित्तहानी तर झालीच आहे. पण याशिवाय मोठ्या प्रमाणावर जिवीतहानीही झाली आहे. सध्या हाती आलेल्या आकडेवारीनुसार, आतापर्यंत तब्बल ९५० जणांचा दुर्दैवी मृत्यू झाल्याची माहिती देण्यात येत आहे. तर सुमारे ६०० लोक हे गंभीर जखमी असल्याचेही सांगितले जात आहे.
UPDATE | An earthquake of magnitude 6.1 killed 950 people in Afghanistan early on Wednesday, disaster management officials said, with more than 600 injured and the toll expected to grow as information trickles in from remote mountain villages: Reuters
— ANI (@ANI) June 22, 2022
अफगाणिस्तानच्या आग्नेय भागात बुधवारी सकाळी भूकंपाचे धक्के बसले. हे धक्के तीव्र स्वरूपाचे होते. त्यामुळे अफगाणिस्तानच्या ठराविक भागातील जनजीवन विस्कळीत झाल्याचे दिसत आहे. सुरूवातीला सुमारे २५५ पेक्षाही अधिक लोक मृत्युमुखी पडले असल्याची माहिती असोसिएट प्रेसच्या हवाल्याने ANI ने दिले होती. यूएस जिऑलॉजिकल सर्व्हे (यूएसजीएस) नुसार भूकंपाचा केंद्रबिंदू अफगाणिस्तानच्या आग्नेय भागात होता. त्यानंतर आता मात्र हा आकडा ९५० पर्यंत पोहोचला आहे. आणि मृतांचा आकडा आणखी वाढू शकतो अशीही शक्यता वर्तवली जात आहे.
#WATCH | 950 people died and over 600 were injured in an earthquake of magnitude 6.1 in Afghanistan.
— ANI (@ANI) June 22, 2022
(Source: Reuters) pic.twitter.com/xz5Mz82rm5
पाकिस्तानातही जाणवले भूकंपाचे धक्के
पाकिस्तानी मीडियानुसार, इस्लामाबादसह इतर शहरांमध्ये भूकंपाचे धक्के जाणवले. या आधी शुक्रवारीही पाकिस्तानमध्ये भूकंप झाला होता. त्यानंतर इस्लामाबाद, पेशावर, रावळपिंडी आणि मुलतानमध्ये हे धक्के जाणवले. फैसलाबाद, अबोटाबाद, स्वात, बुनेर, कोहाट आणि मलकांडी येथेही हे धक्के जाणवले. दरम्यान, भूकंप किती भीषण याबाबत कमाल तीव्रता अद्याप निश्चित करण्यात आलेली नाही. तथापि, रिश्टर स्केलवर ७.० किंवा त्याहून अधिक तीव्रतेचा भूकंप मध्यम धोकादायक मानला जातो. या स्केलवर 2 किंवा त्यापेक्षा कमी तीव्रतेच्या भूकंपाला सूक्ष्म भूकंप म्हणतात, जो बहुतेक जाणवत नाही. तर ४.५ रिश्टर स्केलच्या भूकंपामुळे घरांचे नुकसान होऊ शकते.