नायजेरियात स्फोट; २१ फुटबॉलप्रेमी ठार

उत्तर नायजेरियात वर्ल्डकप फुटबॉलचा सामना पाहण्यात मग्न फुटबॉलप्रेमींच्या गर्दीतच बॉम्बस्फोट घडविण्यात आला.

कानो : उत्तर नायजेरियात वर्ल्डकप फुटबॉलचा सामना पाहण्यात मग्न फुटबॉलप्रेमींच्या गर्दीतच बॉम्बस्फोट घडविण्यात आला. या हल्ल्यात २१ नागरिक ठार झाले. मंगळवारी रात्री ही घटना घडली. दमातुरू भागातील नयी-नामा येथे झालेल्या या स्फोटामागे बोको हरम या इस्लामी दहशतवादी संघटनेचा हात असल्याचा संशय आहे.