लाहोरमध्ये बॉम्बस्फोट, 16 ठार

पाकिस्तानमधील लाहोर येथे असलेल्या पंजाब विधानसभेजवळ बॉम्बस्फोट झाला. या बॉम्बस्फोटात दोन पोलीस अधिका-यांसह 16 जणांचा मृत्यू झाला असून अनेक जण जखमी झाले आहेत.

ऑनलाइन लोकमत

लाहोर, दि. 13 - पाकिस्तानमधील लाहोर येथे असलेल्या पंजाब विधानसभेजवळ बॉम्बस्फोट झाला. या बॉम्बस्फोटात दोन पोलीस अधिका-यांसह 16 जणांचा मृत्यू झाला असून अनेक जण जखमी झाले आहेत. 

 

पाकिस्तानच्या मीडियाने दिलेल्या वृत्तानुसार, लाहोर मॉल रोड परिसरात पंजाब विधानसभेजवळ हा बॉम्बस्फोट झाला. या बॉम्बस्फोटात दोन पोलीस अधिका-यांसह दहा जणांचा मृत्यू झाला असून अनेक जण जखमी झाले आहेत. उपमहानिरीक्षक (वाहतूक) मुबीन आणि वरिष्ठ पोलिस अधीक्षक झाहिद मेहमूद अशी या  दोन मृत पोलीस अधिका-यांची नावे सांगण्यात येत आहेत. 

 

दरम्यान, घटनास्थळी पोलीस दाखल झाले असून जखमींना जवळच्याच रुग्णालयात दाखल करण्यात येत आहे. 

 

Visuals from the site: At least 7 including police officials killed, several injured after bomb blast at Lahore’s Mall Road area: Pak media pic.twitter.com/2coSm7Nuws

— ANI (@ANI_news) February 13, 2017