कॅनडात इसिसनं केला दहशतवादी हल्ला, पोलिसावरही चाकूहल्ला

कॅनडात पुन्हा एकदा दहशतवादी हल्ला घडवण्यात आला आहे. कारमधून जात असलेल्या दहशतवाद्यांनी पोलीस कर्मचा-यांना धडक दिल्यानंतर चाकूहल्लाही केला.

अॅडमेंटन - कॅनडात पुन्हा एकदा दहशतवादी हल्ला घडवण्यात आला आहे. कारमधून जात असलेल्या दहशतवाद्यांनी पोलीस कर्मचा-यांना धडक दिल्यानंतर चाकूहल्लाही केला. पोलिसांना त्या कारमधून दहशतवादी संघटना इसिसचे झेंडे मिळाले आहेत. तर दुस-या एका कारनं रस्त्यावरील पादचा-यांनाही चिरडलं आहे.

या दहशतवादी हल्ल्यात 4 जण जखमी झाले आहेत. पोलिसांना या दोन्ही दहशतवादी हल्ल्यांत साम्य आढळलं आहे. तसेच कारमधून हल्ला करणा-या संशयितालाही पोलिसांनी ताब्यात घेतलं आहे. कारची ज्या नावावर नोंदणी आहे, त्याच्यावरच पोलिसांनी संशय व्यक्त केला आहे. पोलीस या दहशतवादी हल्ल्याचा प्रत्येक दृष्टिकोनातून तपास करत आहेत. अॅडमेंटन पोलिसांच्या माहितीनुसार, अधिका-यांनी संशयितांना ताब्यात घेतलं आहे.

हल्लेखोर हा अॅडमेंटनचाच राहणारा आहे. त्याचं वय 30 वर्षं आहे. हा हल्ला शनिवारी रात्री कॉमनवेल्थ स्टेडियमच्या बाहेर झाला आहे. स्टेडियममध्ये कॅनाडियन फुटबॉल लीगचा मुकाबला सुरू होता. 

#BREAKING Five injured, suspect arrested as Canada police probe 'act of terrorism'

— AFP news agency (@AFP) October 1, 2017