Video: बहुमजली इमारतीला भीषण आग; अनेक मजले जळून खाक, चीनमधील धक्कादायक घटना...
By ऑनलाइन लोकमत | Published: September 16, 2022 05:05 PM2022-09-16T17:05:30+5:302022-09-16T17:07:03+5:30
चीनमधील सरकारी मालकीची दूरसंचार कंपनी चायना टेलिकॉमच्या इमारतीला ही आग लागली आहे.
Video: बहुमजली इमारतीला भीषण आग; अनेक मजले जळून खाक, चीनमधील धक्कादायक घटना...
Next शांघाई:चीनच्या चांगशा शहरात एका सरकारी कंपनीच्या बहुमजली इमारतीला भीषण आग लागल्याची घटना घडली आहे. चीनच्या सरकारी मीडियाने ही माहिती दिली आहे. या घटनेतील मृतांचा आकडा अद्याप कळू शकलेला नाही. बहुमजली इमारतीतील अनेक मजल्यांमध्ये ही भीषण आग लागली असून, यात मोठे नुकसान झाल्याचा अंदाज आहे.
❗️In #China, the skyscraper of the largest telecom operator China Telecom in #Changsha is on fire. Hundreds of people could be burned alive. pic.twitter.com/GDNC74k8Tj
— NEXTA (@nexta_tv) September 16, 2022
या घटनेचे काही व्हिडिओही सोशल मीडियावर व्हायरल होत असून, व्हिडिओत इमारतीतून आगीचे लोट निघत असल्याचे दिसत आहे. ही घटना घडताच अग्निशमन दलाचे जवान घटनास्थळी दाखल झाले आणि आगीवर नियंत्रण मिळवण्याचा प्रयत्न करत आहेत. इमारतीमध्ये किती लोक होते? या घटनेत किती नुकसान झाले? जीवितहानी झाली का? या प्रश्नांची उत्तरे अद्याप मिळू शकली नाहीत. सध्या मोठ्या प्रमाणावर मदत आणि बचाव कार्य सुरू आहे.
This afternoon, the building of China Telecom building in Changsha长沙caught fire, no casualties reported yet, stay safe everyone! 🙏 pic.twitter.com/QNnezk2Mxk
— China in Pictures (@tongbingxue) September 16, 2022
मिळालेल्या माहितीनुसार, या इमारतीमध्ये अनेकांची घरे आणि कार्यालये आहेत. चीनमधील सरकारी मालकीची दूरसंचार कंपनी चायना टेलिकॉमची ही इमारत आहे. शहराच्या मध्यभागी इमारत असल्यामुळे संपूर्ण शहरातून ही आग दिसत आहे. स्थानिक माध्यमांनी सोशल मीडियावर पोस्ट केलेल्या व्हिडिओंमध्ये धुरामुळे इमारत बाहेरून पूर्णपणे काळी पडल्याचे दिसत आहे. चांगशा ही हुनान प्रांताची राजधानी आहे, जिथे सुमारे 10 मिलीयन लोक राहतात.