Corona Virus : हाहाकार! आता ना टेस्टिंग, ना क्वारंटाईन; कोरोना मृतांचा भयंकर आकडा पाहूनही चीनची मनमानी

Corona Virus in China : जगाला कोरोनाची बिघडत चाललेली स्थिती दाखवण्यापासून वाचवण्यासाठी चीनने दररोज कोरोनाची संख्या नोंदवणे बंद केले आहे.

कोरोनाची वाढती प्रकरणे असूनही चीन क्वारंटाईनचे नियम आणि कठोर धोरण शिथिल करत आहे. सोमवारी, राष्ट्रीय आरोग्य आयोगाने जाहीर केले की परदेशातून येणाऱ्या प्रवाशांना यापुढे क्वारंटाईन ठेवण्याची गरज नाही. नवा नियम 8 जानेवारीपासून लागू होणार आहे. सध्या, येणाऱ्या प्रवाशांना हॉटेलमध्ये पाच दिवस आयसोलेट ठेवल्यानंतर तीन दिवस घरीच राहावे लागते.

आयसोलेशन नियम संपुष्टात आणण्याबाबत चीनकडून एक मोठा यू-टर्न म्हणून पाहिले जात आहे. शी जिनपिंग यांच्या नेतृत्वाखालील प्रशासन जे आता झिरो कोविड धोरणावर अवलंबून होते ज्यात क्वारंटाईन, अनिवार्य चाचणी आणि संक्रमणाचा प्रसार रोखण्यासाठी कठोर लॉकडाऊनचा समावेश होता, आता उर्वरित जगासाठी देश पुन्हा उघडत आहे.

चिनी शहरे संक्रमणाच्या स्फोटाचा सामना करण्यासाठी संघर्ष करीत आहेत. जगाला कोरोनाची बिघडत चाललेली स्थिती दाखवण्यापासून वाचवण्यासाठी चीनने दररोज कोरोनाची संख्या नोंदवणे बंद केले आहे. आता, ग्लोबल टाइम्सने अहवाल दिला आहे की की केवळ ताप किंवा फ्लूसारखी लक्षणे असलेल्या प्रवाशांची विमानतळांवर अँटीजन चाचणी केली जाईल. असे मानले जात आहे की चीन हे असे करत आहे जेणेकरून जगाला संदेश जाईल की त्यांच्या देशात कोरोनाची स्थिती सामान्य आहे.

चीनच्या आरोग्य आयोगाने सांगितले की, काही परदेशी लोकांना देशात प्रवेश करणे सोपे करण्यासाठी निर्बंध कमी करण्यात आले आहेत, जरी यात पर्यटकांचा समावेश नाही. अनेक देशांतील हॉटेल्स आणि संबंधित व्यवसायांसाठी कमाईचा एक महत्त्वाचा स्रोत असलेल्या चिनी नागरिकांना हळूहळू पर्यटनासाठी पुन्हा परदेशात जाण्याची परवानगी दिली जाईल, असे संकेत दिले. एका हिंदी  वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"