Coronavirus : जगभरात कोरोना अलर्ट! जाणून घ्या, कोणत्या देशात किती कोरोनाग्रस्त?
By ऑनलाइन लोकमत | Published: March 21, 2020 08:41 AM2020-03-21T08:41:35+5:302020-03-21T09:07:02+5:30
Coronavirus : वेगाने पसरणाऱ्या कोरोनामुळे सर्वत्र भीतीचे वातावरण निर्माण झाले आहे.
Coronavirus : जगभरात कोरोना अलर्ट! जाणून घ्या, कोणत्या देशात किती कोरोनाग्रस्त?
कोरोना व्हायरसमुळे जगभरात हाय अलर्ट घोषित करण्यात आला आहे. वेगाने पसरणाऱ्या कोरोनामुळे सर्वत्र भीतीचे वातावरण निर्माण झाले आहे. कोरोना व्हायरसचा कहर जगभरात पाहायला मिळत आहे. जगभरात कोरोनाग्रस्त रुग्णांची संख्या 2,69,911 वर पोहोचली आहे. कोरोनामुळे 184 हून अधिक देश प्रभावित झाले असून मृत्यूची संख्या 11,267 वर पोहोचली आहे. भारतात कोरोना व्हायरसचा संसर्ग झालेल्या रुग्णांची एकूण संख्या 236 वर पोहोचली आहे. त्यात 32 विदेशी नागरिकांचा समावेश आहे. त्यामध्ये इटलीचे 17, फिलिपिन्सचे 2, ब्रिटनचे 2, कॅनडा, इंडोनेशिया, सिंगापूरच्या प्रत्येकी एका नागरिकाचा समावेश आहे.
देश बाधित मृत्यू
चीन 80,967 3,248
इटली 47,021 4,032
इराण 19,644 1,433
द. कोरिया 8,652 94
स्पेन 20,412 1,044
फ्रान्स 12,612 450
जर्मनी 19,848 59
स्वित्झर्लंड 5,381 56
अमेरिका 16,638 225
इंग्लंड 3,983 177
जपान 963 33
थायलँड 322 1
भारत 223 5
पाकिस्तान 500 3
श्रीलंका 73 0
बांगलादेश 20 1
कोरोना विषाणूने चीननंतर आता युरोप खंडाला विळखा घातला आहे. युरोपमधील अनेक देशांमध्ये कोरोनाचा फैलाव वेगाने होत असून, कोरोना विषाणूला रोखण्याचे प्रयत्न अपुरे पडत आहेत. कोरोना विषाणूमुळे सर्वाधिक फटका इटलीला बसला असून, आज दिवसभरात इटलीमध्ये तब्बल 627 जणांचा मृत्यू झाला आहे. तर दुसरीकडे युनायटेड किंग्डममध्येही कोरोनामुळे बिकट परिस्थिती ओढवली असून, पंतप्रधान बोरिस जॉन्सन यांनी संपूर्ण देशात लॉकडाऊनचे आदेश दिले आहेत. इटलीमध्ये कोरोना विषाणूने आता चीनपेक्षा भयानक रूप धारण केले आहे. कोरोना विषाणूमुळे इटलीमध्ये दररोज शेकडो लोकांचा मृत्यू होत आहे. दोन दिवसांपूर्वीच इटलीमध्ये एका दिवसात 475 लोकांचा मृत्यू झाला होता. तर आज इटलीमध्ये दिवसभरात 627 जणांचा मृत्यू झाला आहे. आता इटलीमध्ये सुमारे चार हजार जणांचा कोरोना विषाणूमुळे मृत्यू झाला आहे.
Coronavirus : इटलीत कोरोनाचा कहर, दिवसभरात 627 जणाचा मृत्यू, तर युकेमध्ये लॉकडाऊन https://t.co/ECirGjpiIc
— Lokmat (@MiLOKMAT) March 20, 2020
अमेरिकेमध्ये शुक्रवारपर्यंत 14 हजारपेक्षा अधिक लोकांना कोरोना विषाणूचा संसर्ग झाला आहे तसेच या साथीमुळे तिथे 200 हून अधिक जणांचा बळी गेला आहे. या साथीला आटोक्यात आणण्याकरिता अमेरिकेतील राजकीय नेते व वैद्यकीय क्षेत्रातील व्यक्तींनी कंबर कसली आहे. अमेरिकेमध्ये कोरोनाची लागण झालेल्यांची संख्या 14 हजार 366 वर पोहोचली . तिथे आतापर्यंत 217 जण मरण पावले. सर्वाधिक कोरोना रुग्णांची संख्या असलेल्या देशांमध्ये अमेरिका सहाव्या क्रमांकावर आहे. अनेक राज्यांमध्ये सध्या लॉकडाऊन सुरू आहे. अमेरिकेतील 50 राज्यांमध्ये ही साथ पसरली आहे. कॅलिफोर्निया हे अमेरिकेतील सर्वात दाट लोकवस्तीचे राज्य आहे. तिथे कोरोनाचा संसर्ग टाळण्याकरिता अत्यावश्यक सेवा वगळता अन्य व्यवहार गुरुवारपासून बंद ठेवण्यात आले आहेत. सरकारने दिलेल्या आदेशानुसार तेथील रहिवासी आपल्या घरातूनच सर्व कामे पार पाडत आहेत.
Coronavirus : जनता कर्फ्यूदिनी देशातील सर्व पॅसेंजर रेल्वे ठप्प, लोकल अन् एक्सप्रेस गाड्याही रद्द https://t.co/l0P9BJtLB2
— Lokmat (@MiLOKMAT) March 20, 2020
महत्त्वाच्या बातम्या
‘...मग कोरोना व्हायरस गिळून ढेकर दिली असती की ईडीमागे लावून बोलती बंद केली असती?’
MP Crisis: ‘हे’ ट्विट सांभाळून ठेवा! सरकार कोसळल्यानंतर काँग्रेसच्या या दाव्याने पुन्हा खळबळ
Coronavirus : कोरोना नियंत्रणासाठी राज्यात युद्धपातळीवर प्रयत्न
Coronavirus : मुंबई, पुणे, ठाणे, नागपूरसह २0 शहरांचे व्यवहार थांबले
