मुंबई हल्ल्यासह मोदी सरकारवर चर्चा जमात-उद-दावाचा दावा

भारतीय पत्रकार आणि २६/११ हल्ल्याचा सूत्रधार हाफिज सईद यांच्यातील भेटीवरून वादंग

लाहोर : भारतीय पत्रकार आणि २६/११ हल्ल्याचा सूत्रधार हाफिज सईद यांच्यातील भेटीवरून वादंग निर्माण झाल्याच्या पार्श्वभूमीवर जमात-उद-दावाने गुरुवारी एक निवेदन जारी करून या दोघांमध्ये मुंबई हल्ल्यासह नरेंद्र मोदी सरकारच्या कार्यशैलीवरही चर्चा झाल्याचा दावा केला आहे.
जमात-उद-दावा ही सईदची संघटना आहे. सईद व भारतीय पत्रकार वेदप्रकाश वैदिक यांच्यातील भेटीदरम्यान उपस्थित असल्याचा दावा करणारा जमात-उद-दावाचा प्रवक्ता याह्या मुजाहिद याने वैदिक यांच्या विनंतीवरूनच ही भेट झाल्याचे सांगितले.
सईद यांना अनेक विदेशी पत्रकार भेटतात, असेही तो म्हणाला.