"डियर हसबंड, तू दुसरीकडे बिझी असशील तर…’’ दुबईच्या राजकुमारीने इन्स्टावरून पतीला दिला तलाक

Dubai Princess Shaikha Mahra Divorces Husband: दुबईचे राजे आणि संयुक्त अरब अमिरातीचे पंतप्रधान मोहम्मद बिन राशिद अल मकतूम यांच्या कुटुंबातून एक धक्कादायक बातमी समोर येत आहे. मकतूम यांच्या मुलीने सोशल मीडियावरून तिच्या पतीला तलाक देत असल्याची घोषणा केली आहे.

दुबईचे राजे आणि संयुक्त अरब अमिरातीचे पंतप्रधान मोहम्मद बिन राशिद अल मकतूम यांच्या कुटुंबातून एक धक्कादायक बातमी समोर येत आहे. मकतूम यांच्या मुलीने सोशल मीडियावरून तिच्या पतीला तलाक देत असल्याची घोषणा केली आहे. मकतूम यांची कन्या शेखा माहरा बिन्त यांचा गतवर्षीच निकाह झाला होता. तसेच त्यांनी दोन महिन्यांपूर्वी एका कन्येला जन्म दिला होता.

माहरा बिन्त यांनी इन्स्टाग्रामवरून पती शेख मना बिन मोहम्मद बिन राशिद बिन माना यांना तलाक देण्याची घोषणा केली. या घोषणेत त्या म्हणाल्या की, ‘’डियर हसबंड, एवढ्यात तुम्ही इतर लोकांसोबत बिझी असाल, यादरम्यान मी आपल्या तलाकची घोषा करत आहे. मी तुम्हाला तलाक देते, मी तुम्हाला तलाक देते, मी तुम्हाला तलाक देते. लक्षात ठेवा. तुमचीच माजी पत्नी’’, अशा शब्दात माहरा बिन्त यांनी तलाकची घोषणा केली आहे.

१९९४ मध्ये जन्मलेल्या माहरा बिन्त यांनी गतवर्षी २७ मे रोजी शेख मना बिन यांच्याशी निकाह केला होता. त्यानंतर पाच महिन्यानंतर आपण गर्भवती असल्याची घोषणा माहरा बिन्त यांनी केली होती. तसेच त्याबाबतचे फोटोही सोशल मीडियावर अपलोड केले होते. तसेच त्याखाली आम्ही तीन असं लिहिलं होतं. मात्र आता घटस्फोटाची घोषणा करताना माहरा बिन्त यांनी स्वत:चा आणि मुलीचा फोटो शेअर केला आहे. तसेच त्याखाली आम्ही दोघे असं लिहिलं आहे. 

यूएईचे पंतप्रधान शेख मोहम्मद बिन राशिद अल मकतूम यांनी हल्लीच आपल्या कॅबिनेटमध्ये मोठे फेरबदल केले होते. तसेच त्यांनी त्यांच्या मुलाची यूएईच्या संरक्षणमंत्रीपदी नियुक्ती केली होती. त्याशिवाय त्यांनी आपल्या मंत्रालयात आणखी काही फेरबदलांची घोषणा केली होती.