उडत्या विमानात फ्री स्टाईल हाणामारी; प्रवाशाने क्रू मेंबरचे बोट कापले, पाहा व्हिडिओ...

भांडणामुळे विमानाची आपत्कालीन लँडिंग करण्यात आली.

Fight in Plane: आतापर्यंत तुम्ही विविध कारणांमुळे विमानाची इमर्जन्सी लँडिंग केल्याच्या बातम्या ऐकल्या/वाचल्या असतील. पण, सध्या एक विचित्र प्रकार समोर आला आहे. एका उडत्या विमानात प्रवाशाने केबिन क्रूवर हल्ला केल्याचा घटना समोर आली आहे. यादरम्यान प्रवाशाने क्रु मेंबरचे बोट कापले. या घटनेदरम्यान विमानात एकच गोंधळ उडाला.

डेली स्टारच्या वृत्तानुसार, तुर्की एअरलाइन्सचे विमान इस्तंबूलहून इंडोनेशियाची राजधानी जकार्ताला जात होते. यावेळी विमान हवेत असताना एका प्रवाशाने क्रू मेंबरसोबत वाद सुरू केला. प्रवासी दारूच्या नशेत असल्याचे सांगण्यात येत आहे. या वादाचे रुपांतर नंतर मारामारीत झाले. प्रवाशाने क्रू मेंबरला ठोसे मारण्यास सुरुवात केली. मात्र, लोकांनी त्याला कसेबसे आवरले. 

विमानात गोंधळाचा व्हिडिओ

An Indonesian passenger on a Turkish Airlines flight TK56 to CGK yesterday was recorded assaulting a flight attendant, forcing the flight to land at KNO temporarily before resuming. Turns out he’s a Batik Air pilot returning from holiday in Turkey pic.twitter.com/X70KhjmTsX

— Nuice Media (@nuicemedia) October 12, 2022

भांडणामुळे विमानाची क्वाला नामू विमानतळावर आपत्कालीन लँडिंग करण्यात आली. मुहम्मद जॉन जॅझ बौडविजन असे या प्रवाशाचे नाव आहे. विमानतळावर पोहोचताच त्याला विमानातून उतरवण्यात आले. बौडविजन हे स्वतः इंडोनेशियन एअरलाइन्सचे पायलट असल्याचे सांगण्यात येत आहे. या भांडणावेळी क्रु मेंबरचे बोट कापले गेले. या घटनेचा एक व्हिडिओ मोठ्या प्रमाणात व्हायरल होत आहे.