संगीत सोहळ्यात गोळीबार, ४ जखमी

अमेरिकेच्या ह्यूस्टनमधील एका कॅरेबियन संगीत सोहळ्यादरम्यान एका व्यक्तीने केलेल्या गोळीबारात चार जण जखमी झाले.

ह्यूस्टन, अमेरिका : अमेरिकेच्या ह्यूस्टनमधील एका कॅरेबियन संगीत सोहळ्यादरम्यान एका व्यक्तीने केलेल्या गोळीबारात चार जण जखमी झाले. गोळीबारानंतर झालेल्या चेंगराचेंगरीत दोन महिला जखमी झाल्या, असे पोलिसांनी सांगितले. ४ जुलैला ह्यूस्टन कॅरेबियन सोहळ्यासाठी हजारो नागरिक गोळा झाले होते, तेव्हाच एकाने गोळीबार केला. संगीत सोहळ्यात सहभागी सर्व जण खुश होते तेव्हाच गोळीबार झाला. गोळीबाराचा आवाज ऐकताच लोकांनी पळायला सुरुवात केली व त्यातून चेंगराचेंगरी झाली. यात दोन महिला जखमी झाल्या. जखमींना रुग्णालयात दाखल करण्यात आले असून एकाची प्रकृती गंभीर असल्याचे सांगण्यात येते. गोळीबार करणाऱ्याला अद्याप अटक करण्यात आलेली नाही. (वृत्तसंस्था)