नव-याला परत मिळवण्यासाठी 'तिने' पोटच्या मुलीवर केला विषप्रयोग

सोडून गेलेल्या नव-याला परत मिळवण्यासाठी एका निदर्यी महिलेने आपल्या १७ महिन्यांच्या मुलीवर मीठाचा विषप्रयोग केला.

ऑनलाइन लोकमत 

वॉशिंग्टन, दि. ७ - सोडून गेलेल्या नव-याला परत मिळवण्यासाठी एका निदर्यी महिलेने आपल्या १७ महिन्यांच्या मुलीवर मीठाचा विषप्रयोग केला. ज्यामध्ये मुलीचा मृत्यू झाला. अमेरिकेतील स्पारटानबर्ग शहरात ही घटना घडली. किमबर्ली मार्टीन्स असे आरोपी महिलेचे नाव आहे. 

 

तिने पीयटॉन या आपल्या १७ महिन्याच्या मुलीवर मीठाचा विषप्रयोग केला. किमबर्लीला सोडून गेलेल्या नव-याला कुठल्याही परिस्थिती आपल्या आयुष्यात परत आणायचे होते. त्यासाठी तिने नव-याचे लक्ष वेधून घेण्यासाठी हे कृत्य केले. ज्यामध्ये निष्पाप १७ महिन्यांच्या मुलीला आपल्या प्राणास मुकावे लागले. 

 

किमबर्लीने पीयटॉनला चमच्याने मीठ भरवले त्यानंतर तिला पेय पाजले. पीयटॉनच्या रडण्याच्या आवाजाने मला रविवारी जाग आली. ती तापाने फणफणत होती. तिला लगेच रुग्णालयात दाखल केले असे किमबर्लीने पोलिसांना सांगितले. पीयटॉन उपचारांना प्रतिसाद देत नव्हती. 

डॉक्टरांनी तिला लाईफ सपोर्ट सिस्टीमवर ठेवले होते. अखेर बुधवारी तिचा मृत्यू झाला. किमबर्लीची बहिण टीफअॅनी लिझरने किमबर्लीवरचे आरोप फेटाळून लावले. किमबर्ली असे कधी करु शकत नाही. ती अत्यंत चांगली आई आहे असे तिने सांगितले. गुन्हा सिद्ध झाल्यास किमबर्लीला २० वर्षांचा तुरुंगवास होऊ शकतो.