इथे गाडी शिकण्याची 'फी' सेक्स

हॉलंडमध्ये वाहन प्रशिक्षकांना आता गाडी शिकवण्याचा मोबदला पैशांऐवजी सेक्समध्ये मिळू शकतो.

ऑनलाइन लोकमत

अॅमस्टरडॅम, दि. २२ - हॉलंडमध्ये वाहन प्रशिक्षकांना आता गाडी शिकवण्याचा मोबदला पैशांऐवजी सेक्समध्ये मिळू शकतो. हॉलंड सरकारने 'राइड फॉर राइड' असा नवा कायदा मंजूर केला आहे. या कायद्यानुसार वाहन शिकणारा गाडी शिकवण्याचा मोबदला पैशांऐवजी सेक्समध्ये देऊ शकतो. 

अशा प्रकारे वाहन शिकवण्याचे शुल्क अदा करताना प्रशिक्षक आणि प्रशिक्षणार्थी दोघांची समंती असली पाहिजे आणि त्यांची वयाची १८ वर्ष पूर्ण असली पाहिजेत. हॉलंडमध्ये वेश्याव्यवसायालाही कायदेशीर मान्यता आहे. 

हा अजब कायदा हॉलंडमध्ये प्रत्येकाला रुचलेला नाही. पारंपारिक विचारसरणीच्या ख्रिश्चन युनियन पार्टीने हा कायदा रद्द करुन अशा प्रकारच्या कृत्याचा गुन्हेगारीमध्ये समावेश करण्याची मागणी केली आहे.