इमरान खान आणि बुशरा बीबीचा निकाह बेकायदेशीर; कोर्टानं सुनावली ७ वर्षांची शिक्षा

इमरान खान यांच्याशी लग्न केल्यानंतर बुशरा बीबी यांनी मानेका यांच्यावर अनेक गंभीर आरोप केले.

कराची - पाकिस्तानचे माजी पंतप्रधान आणि पीटीआयचे संस्थापक इमरान खान यांची बुशरा बीबीसोबतच्याल निकाहला कोर्टानं बेकायदेशीर ठरवलं आहे. या अवैध निकाहामुळे इमरान खान आणि बुशरा बीबी दोघांना ७-७ वर्षाची शिक्षा सुनावली आहे. जेल परिसरात सलग १४ तास सुनावणी घेतल्यानंतर कोर्टाने त्यांचा निर्णय राखून ठेवला होता. 

बुशरा बीबी यांच्यावर आरोप होता की, त्यांनी पहिले पती फरीद मानेका यांना तलाक देणे आणि इमरान खान यांच्याशी दुसरे लग्न करणे यामध्ये आवश्यक कालावधीचे बंधन पाळले नाही.इस्लाम शरियतनुसार, कुठल्याही महिलेला पतीच्या मृत्यूनंतर अथवा मृत्यूच्या काही कालावधीपर्यंत दुसरे लग्न करणे बंदी असते. हा काळ पाळणं इस्लामी कायद्यानुसार आवश्यक असते. त्या काळाला इद्दत असं म्हटलं जाते. हा कालावधी ४ महिने १० दिवस इतका असतो. या काळात परपुरुषासमोर महिला बुरख्यात असते. 

माहितीनुसार, कोर्टाने पाकिस्तानचे माजी पंतप्रधान इमरान खान आणि त्यांच्या पत्नी बुशरा बीबी यांच्या बेकायदेशीर निकाहाला अवैध ठरवत सात-सात वर्षांची शिक्षा सुनावली आहे. त्याचसोबत दोघांना प्रत्येकी ५ लाखांचा दंड ठोठावला आहे. हा निकाल सुनावताना दोघेही कोर्टात हजर होते. यावर्षाच्या सुरुवातीला एका कनिष्ठ न्यायालयाने खान आणि बीबी यांच्या निकाहाला अवैध ठरवले होते. ४९ वर्षीय बुशरा बीबी पंजाबच्या जमिनदार कुटुंबातून येते. त्यांचे पहिले लग्न मानेकासोबत झाले होते. जे जवळपास ३० वर्ष चालले. मानेका पंजाबमधील एक मोठे राजकीय प्रस्थ आहे. 

इमरान खान यांच्याशी लग्न केल्यानंतर बुशरा बीबी यांनी मानेका यांच्यावर अनेक गंभीर आरोप केले. बुशरा बीबीच्या पहिल्या पतीने सांगितले की, इमरान खान यांनी बुशरा बीबी यांचे अनुयायी म्हणून घरात एन्ट्री घेतली. त्यानंतर हळू हळू माझे लग्न मोडून २०१८ मध्ये इमरान खान यांनी स्वत: बुशरा बीबीसोबत लग्न केले. इमरान खान यांच्यामुळे आमचा संसार मोडला असा आरोप पहिल्या पतीने केला. १९८९ मध्ये फरीद मानेकासोबत बुशरा बीबीचे लग्न झाले होते. त्यावेळी माझी आणि बुशरा बीबीचं आयुष्य खूप चांगले सुरू होते. जेव्हा इस्लामाबाद येथे राजकीय निर्दशने सुरु होती. तेव्हा इमरान खान अनुयायी म्हणून आला आणि तिथे त्याची पहिली भेट बुशरा बीबीसोबत झाली असं फरीद मानेकाने म्हटलं.