बापरे! कोरोनामुळे आईच्या गर्भातच झाला बाळाचा मृत्यू; मन हेलावून टाकणारी घटना

CoronaVirus Marathi News and Live Updates: कोरोना पॉझिटिव्ह गर्भवती महिलेला आपल्या बाळाला गमवावं लागल्याची दुर्दैवी घटना समोर आली आहे.

जगभरात कोरोनाचा हाहाकार पाहायला मिळत आहे. कोरोनाग्रस्तांच्या संख्येने तब्बल दहा कोटींचा टप्पा पार केला आहे. लाखो लोकांना आपला जीव गमवावा लागला आहे. याच दरम्यान अनेक धक्कादायक घटना समोर आल्या आहेत. अशीच एक धडकी भरवणारी घटना पुन्हा एकदा समोर आली आहे. इस्रायलमध्ये देखील कोरोनाचा कहर पाहायला मिळत आहे. याच दरम्यान एका कोरोना पॉझिटिव्ह गर्भवती महिलेला आपल्या बाळाला गमवावं लागल्याची दुर्दैवी घटना समोर आली आहे. कोरोनामुळेच बाळाचा मृत्यू झाला असल्याची माहिती डॉक्टरांनी दिली आहे. 

मिळालेल्या माहितीनुसार, एका गर्भवती महिलेला इस्रायलच्या मीर मेडिकल सेंटरमध्ये दाखल करण्यात आलं होतं. महिलेला दोन दिवस ताप येत होता आणि तिच्या शरीरामध्ये कोरोना व्हायरसची काही लक्षणं आढळली होती. इस्रायलच्या आरोग्य मंत्रालयाने याबाबत माहिती दिली आहे. 'ही एक दुर्मिळ घटना आहे आणि इस्रायलमध्ये पहिल्यांदाच अशा प्रकारचं प्रकरण समोर आलं आहे' अशी माहिती दिली. मीर मेडिकल सेंटरचे डॉक्टर ब्रोश यांनी वाईनेट वेबसाइटशी संवाद साधताना कोरोना व्हायरसमुळेच बाळाचा मृत्यू झाल्याची शक्यता वर्तवली जात आहे असं म्हटलं आहे.

CoronaVirus News : धडकी भरवणारी आकडेवारी! कोरोनाचा वेग वाढतोय, प्रशासनाच्या चिंतेत भर; "या" नियमांचं करा पालनhttps://t.co/RDm75scTKt#coronavirus#CoronavirusIndia#CoronaUpdatesInIndia#COVID19India#coronainindia

— Lokmat (@MiLOKMAT) March 1, 2021

टाइम्स ऑफ इस्रायलने दिलेल्या एका रिपोर्टनुसार, रुग्णालय या बाळाच्या मृत्यूचं कारण सांगण्यास असमर्थ आहे. पण या गोष्टीची जास्त शक्यता आहे की बाळाचा मृत्यू कोरोनाची लागण झाल्यामुळेच झाला आहे. याआधी देखील इस्रायलमध्ये अशाच प्रकारचं एक प्रकरण समोर आलं होतं. कोरोना पॉझिटिव्ह महिलेच्या बाळाचा डिलिव्हरी दरम्यान मृत्यू झाला होता. एका हिंदी वेबसाईटने याबाबतचे वृत्त दिले आहे. कोरोनामुळे काही ठिकाणी गंभीर परिस्थिती निर्माण झाली आहे. कोरोनाचा संसर्ग रोखण्यासाठी खबरदारीचे उपाय करण्यात येत आहेत. लसीकरण मोहीमेला सुरुवात झाली असून हजारो नागरिकांनी कोरोनाची लस घेतली आहे.

CoronaVirus News : आशेचा किरण! फक्त कोरोनाच नाही तर लोकांचे इतरही आजार झाले बरे, रिसर्चमधून मोठा खुलासाhttps://t.co/ENhgII6Vu4#coronavirus#CoronaVirusUpdates#CoronaVaccine#CoronavirusVaccine#CoronaVaccination

— Lokmat (@MiLOKMAT) March 2, 2021

Corona Vaccine ची कमाल, अनेक आजारांवर ठरतेय 'संजीवनी', लोकांचे 'हे' त्रास झाले दूर

संशोधनातून कोरोना लसीबाबत नवनवीन माहिती समोर येत आहे. याच दरम्यान एक दिलासादायक माहिती मिळत आहे. कोरोना लसीने कमाल केली असून ते अनेक आजारांवर संजीवनी ठरत असल्याचा रिसर्चमधून खुलासा करण्यात आला आहे. कोरोनाची लस ही फक्त कोरोना व्हायरसपासूनच बचाव करत नाही तर इतर आजारांवरही फायदेशीर ठरत असल्याचं दिसून आलं आहे. जगभरात ज्या लोकांनी कोरोना लस घेतली त्यांचे इतर आजारही दूर झाले आहेत. रिपोर्टनुसार, कोरोना लस घेणाऱ्या व्यक्तींचे इतर आजारही बरे झाले आहेत. आरोग्यासंबंधित समस्यांना नियंत्रित करण्यातही कोरोना लस प्रभावी ठरत असल्याचं दिसून आता नव्या रिसर्चमधून दिसून आलं आहे.

CoronaVirus News : जगभरातील कोरोनाग्रस्तांची संख्या तब्बल 10 कोटींवर, लाखो लोकांना गमवावा लागला जीवhttps://t.co/FNt9XTPy5e#coronavirus#CoronaVaccine#CoronavirusVaccine#WHO

— Lokmat (@MiLOKMAT) March 1, 2021