भयंकर! गाझा युद्धात इस्रायली सैनिकांची मोठी चूक; आपल्याच 3 नागरिकांवर झाडल्या गोळ्या

Israel Hamas War : इस्रायली संरक्षण दलाने (IDF) 7 ऑक्टोबरच्या हल्ल्यानंतर हमासने ओलीस ठेवलेल्या त्यांच्याच तीन नागरिकांकडून धोका आहे असं समजून गोळीबार केला.

गाझामध्ये सुरू असलेल्या युद्धादरम्यान इस्रायली संरक्षण दलाने मोठी चूक केली. टाईम्स ऑफ इस्रायलने IDF चे प्रवक्ते डेनियल हगारी यांनी म्हटलं आहे की, इस्रायली संरक्षण दलाने (IDF) 7 ऑक्टोबरच्या हल्ल्यानंतर हमासने ओलीस ठेवलेल्या त्यांच्याच तीन नागरिकांकडून धोका आहे असं समजून गोळीबार केला. या घटनेत तिन्ही नागरिकांचा मृत्यू झाला. आयडीएफ या दुःखद घटनेची जबाबदारी घेतं असं डेनियल हगारी यांनी म्हटलं आहे. 

ही घटना त्याच भागात घडली जिथे इस्रायली सैनिकांनी आत्मघातकी हल्लेखोरांसह अनेक दहशतवाद्यांचा सामना केला. तीन इस्रायली ओलीसांपैकी दोघांची ओळख योतम हॅम आणि समर तलाल्का अशी झाली आहे. हॅमला केफार अजाकडून ओलीस ठेवण्यात आले होते आणि समर तलल्काचे निराआमकडून अपहरण करण्यात आलं होतं. हगारीने आपल्या कुटुंबाच्या विनंतीवरून तिसऱ्या ओलीस ठेवलेल्या व्यक्तीचं नाव जाहीर केलं नाही.

हमासच्या बंदिवासातून तीन ओलीस कसे सुटले, असे विचारले असता हगारी म्हणाले की, लष्कराचा असा विश्वास आहे की "तिघेही पळून जाण्यात यशस्वी झाले किंवा दहशतवाद्यांनी त्यांना सोडलं." आयडीएफच्या प्रवक्त्याने सांगितलं की, गोळीबारानंतर तीन जणांचा मृत्यू झाला. त्यानंतर मृतांच्या ओळख पटवण्यात आली. त्यांचे मृतदेह ताबडतोब तपासणीसाठी इस्रायलला हलवण्यात आले, जिथे हमासने ओलीस ठेवलेले इस्रायली नागरिक म्हणून त्यांची ओळख पटली.

डेनियल हगारी म्हणाले, ही आपल्या सर्वांसाठी दुःखद आणि वेदनादायक घटना आहे आणि जे घडले त्याला IDF जबाबदार आहे. आयडीएफ आपच्या सैनिकांनी केलेल्या या गंभीर चुकीची कारणं शोधण्याचा प्रयत्न करत आहेत. आयडीएफने तातडीने या घटनेचा तपास सुरू केला. ही एक दु:खद घटना आहे, जी युद्धक्षेत्रात घडली आहे जिथे सैनिकांनी अलीकडच्या काळात आणि आजही अनेक दहशतवाद्यांचा सामना केला आहे आणि संघर्ष केला आहे.

आयडीएफच्या प्रवक्त्याने सांगितलं की, अशा अनेक घटना घडल्या आहेत ज्यात आमच्या सैनिकांना हमासच्या आत्मघाती हल्लेखोरांचा सामना करावा लागला आहे. असेही हल्ले झाले ज्यात दहशतवाद्यांनी आमच्या सैन्याला आमिष दाखवून त्यांना अडकवण्याचा प्रयत्न केला. या दुःखद घटनेनंतर काही वेळातच दहशतवाद्यांसोबत आणखी एक चकमक झाली. आयडीएफ याबद्दल तीव्र दु:ख व्यक्त करतं आणि मृतांच्या कुटुंबीयांच्या दुःखात सामील होतो. आम्ही तिन्ही मृतांच्या आत्म्याला शांती मिळो यासाठी प्रार्थना करतो.