अमेरिकेनंतर आता रशियाची युद्धात एन्ट्री, ओलीसांची सुटका करण्यासाठी हमासशी चर्चा 

अमेरिकेने भूमध्य समुद्रात इस्त्रायलच्या मदतीसाठी दोन युद्धनौका तैनात केल्या, तर रशियाने काळ्या समुद्रात विनाशकारी क्षेपणास्त्रांनी सुसज्ज लढाऊ विमाने तैनात केली.

गेल्या काही दिवसांपासून हमास आणि इस्रायलमध्ये युद्ध सुरू आहे. या युद्धात दोन्ही बाजूंनी हजारो लोकांना जीव गमवावा लागला आहे. या युद्धात एकीकडे अमेरिका इस्रायलच्या समर्थनार्थ उघडपणे पुढे आली आहे, तर दुसरीकडे हमासने रशियाशी संपर्क साधला आहे. यादरम्यान २०० हून अधिक इस्रायली ओलीसांची सुटका करण्यासाठी चर्चा झाली आहे. 

दरम्यान, हमास आणि इस्रायल युद्ध कधीही जगाला वेठीस धरू शकते, कारण आता जगातील अमेरिका आणि रशिया या दोन महासत्तांनी युद्धात जवळपास उडी घेतली आहे. या दोन्ही देशांच्या प्रमुखांच्या वक्तव्यांनी आणि कृतींनी कोल्ड वॉरच्या काळातील आठवणी ताज्या झाल्या आहेत. युक्रेन युद्धादरम्यान रशियाची भूमिका अतिशय आक्रमक होती, पण गाझा युद्धाबाबत अमेरिकेचे राष्ट्राध्यक्ष ज्यो बायडन यांची भूमिका अतिशय कडक आहे. 

अमेरिकेने भूमध्य समुद्रात इस्त्रायलच्या मदतीसाठी दोन युद्धनौका तैनात केल्या, तर रशियाने काळ्या समुद्रात विनाशकारी क्षेपणास्त्रांनी सुसज्ज लढाऊ विमाने तैनात केली. म्हणजेच यावेळी जग एका महायुद्धाच्या उंबरठ्यावर उभे आहे. दुसरीकडे, पॅलेस्टाईनपासून मध्यपूर्वेपर्यंतच्या ५७ मुस्लिम देशांमध्ये इस्रायलविरोधातील रोष उसळला आहे. मोठ्या प्रमाणावर आंदोलने सुरू आहेत. एवढेच नाही तर आता युद्धाचा विस्तार गाझाच्या पलीकडेही होऊ लागला आहे. हा विस्तार महायुद्धाचा आधार बनण्याची भीती आहे.

काल रात्री इस्रायलने अचानक आपले हल्ले तीव्र केले आणि गाझावर एकाच रात्रीत १०० बॉम्ब टाकले. ज्यामध्ये एक चर्चही उद्ध्वस्त करण्यात आले आणि एक मशीदही उद्ध्वस्त झाली. एवढेच नाही तर आता इस्रायल आपल्या भविष्यातील युद्ध योजनाही उघड करत आहे. या युद्धाचा धोका किती मोठा आहे, हे समजू शकते की भूमध्य समुद्रात तैनात असलेल्या अमेरिकन युद्धनौकेचा मुकाबला करण्यासाठी रशियाने आपली लढाऊ विमाने काळ्या समुद्रात तैनात केली आहेत. हे लढाऊ विमान अणुबॉम्बने सुसज्ज आहे.

तसेच रशियाचे सर्वात घातक किंझल क्षेपणास्त्र आहे. किंझल क्षेपणास्त्राची पल्ला २००० किलोमीटर आहे. किंझल क्षेपणास्त्र हे रशियन लष्करी ताफ्यातील सर्वात प्राणघातक आणि धोकादायक आहे, ते शोधणे देखील कठीण आहे. गाझा-इस्रायल युद्धक्षेत्रावर अमेरिकेचा दबाव पाहता रशियाने त्यांची लढाऊ विमाने तैनात केली आहेत.भूमध्य समुद्र काळ्या समुद्रापासून सुमारे १७०० किलोमीटर अंतरावर आहे. 

दोन समुद्रांमधील क्षेत्रामध्ये गाझा आणि इस्रायलमधील संघर्ष क्षेत्राचा समावेश होतो. यूएसएस आयझेनहॉवर आणि यूएसएस गेराल्ड फोर्ड या दोन अमेरिकन युद्धनौका भूमध्य समुद्रात तैनात आहेत. दोन्ही अमेरिकन विमानवाहू जहाजे आहेत. याला मोबाईल वॉर फ्लीट असेही म्हणता येईल. कारण युद्धनौकेवर अ‍ॅटम बॉम्बने सुसज्ज लढाऊ विमानांसह अटॅक हेलिकॉप्टर असतात, त्यांच्यासोबत हजारो सैनिक नेहमी युद्धनौकेवर असतात.