गाझामध्ये इस्त्रायलचा मोठा हवाई हल्ला; शाळेवर झालेल्या हल्ल्यात १०० पॅलेस्टिनी ठार

इस्त्रायलने पुन्हा एकदा गाझावर हवाई हल्ला केला आहे. या हल्ल्यात १०० पेक्षा अधिकजण ठार झाल्याची माहिती समोर आली आहे.

गेल्या काही दिवसापासून गाझा आणि इस्त्रायलमध्ये युद्ध सुरू आहे. आज पुन्हा एकदा इस्त्रायलने गाझावर मोठा हवाई हल्ला केला.  पॅलेस्टिनी वृत्तसंस्थेचा हवाला देत रॉयटर्सने वृत्त दिले आहे. पूर्व गाझामधील विस्थापित लोकांच्या शाळेच्या घरांना लक्ष्य करून इस्त्रायली हल्ल्यात १०० हून अधिक जण ठार झाले आहेत, यात अनेकजण जखमी झाले.

मिळालेल्या माहितीनुसार, या शाळेत लोक प्रार्थना करत असताना हा हल्ला झाला. "इस्रायली हल्ल्यांनी विस्थापित लोकांना पहाटे प्रार्थना करत असताना त्यांना लक्ष्य केले, यामुळे मृतांच्या संख्येत तीव्र वाढ झाली. 

बांगलादेशी हिंदू भारताच्या सीमेवर; पाण्यात उभे राहून जय श्री रामचे नारे

गेल्या आठवड्यात गाझामध्ये चार शाळांवर हल्ला करण्यात आला होता. ४ ऑगस्ट रोजी, गाझा शहरातील विस्थापित लोकांसाठी आश्रयस्थान म्हणून काम करणाऱ्या दोन शाळांवर इस्रायली हल्ल्यात ३० लोक ठार आणि अनेक जखमी झाले. यापूर्वी गाझा शहरातील हमामा शाळेवर इस्रायलने केलेल्या हल्ल्यात १७ जण ठार झाले होते. १ ऑगस्ट रोजी दलाल अल-मुगराबी शाळेवर इस्रायली हल्ल्यात १५ जण ठार झाले. कंपाऊंडमध्ये दहशतवादी आहेत जे "हमास कमांड कंट्रोल सेंटर" म्हणून काम करत आहेत, असा दावा इस्रायलने केला.

१० महिन्यांपासून चाललेल्या युद्धात ४० हजारांहून अधिक पॅलेस्टिनींचा मृत्यू

७ ऑक्टोबर २०२३ रोजी, पॅलेस्टिनी गट हमासने गाझा पट्टीतून दक्षिण इस्रायलच्या गाझा भागात सशस्त्र घुसखोरी करून इस्रायलवर अचानक हल्ला केला. ही पॅलेस्टाईनची दशकांतील सर्वात मोठी चकमक मानली जात होती. या काळात सुमारे १,२०० लोक ठार झाले आणि अनेकांना कैद करण्यात आले. इस्रायलने याला युद्धपातळीवर प्रत्युत्तर दिले आणि सध्याही संघर्ष सुरूच आहे. तेव्हापासून इस्रायल गाझामधील शाळांसह इमारतींवर सातत्याने हल्ले करत आहे. गाझामध्ये १० महिन्यांपासून चाललेल्या युद्धात ४० हजारांहून अधिक पॅलेस्टिनींचा मृत्यू झाला आहे.