भारतासोबत पंगा महागात पडला! मालदीवकडे विमाने आणि हेलिकॉप्टर उडवण्यासाठी वैमानिक नाहीत

मालदीवच्या मंत्र्यांनी काही महिन्यापूर्वी पंतप्रधान नरेंद्र मोदी यांच्यावर कमेंट केली होती. यानंतर दोन्ही देशातील संबंध बिघडले होते. यानंतर मालदीवचे राष्ट्रपती मोहम्मद मुइज्जू यांच्या आदेशानुसार ७६ भारतीय संरक्षण जवानांनी मालदीव सोडल्यानंतर मोठं नुकसान झाले आहे. मालदीवचे संरक्षण मंत्री घसान मौमून यांनी कबूल केले आहे की, भारताने दान केलेली तीन विमाने चालवण्यासाठी मालदीवच्या लष्कराकडे सक्षम वैमानिक नाहीत. मालदीवचे लष्कर भारताने दिलेली दोन हेलिकॉप्टर आणि एक डॉर्नियर विमान चालवण्यास असमर्थ असल्याचे घस्सान यांनी राष्ट्रपती कार्यालयात आयोजित पत्रकार परिषदेत सांगितले.

पत्रकाराच्या प्रश्नाला उत्तर देताना घस्सान म्हणाले की, मालदीव राष्ट्रीय संरक्षण दलाकडे भारतीय लष्कराने दान केलेली तीन विमाने चालवू शकतील असा एकही मालदीव सैनिक नाही. तर काही सैनिकांना आधीच्या सरकारांनी केलेल्या करारांतर्गत विमान उड्डाणाचे प्रशिक्षण दिले होते.

Maharashtra Lok Sabha Election 2024 Live Updates : राज्यात चौथ्या टप्प्याच्या मतदानाला सुरुवात; 11 मतदारसंघ, तापमान कमी होणार

विमान उडवण्याचे प्रशिक्षण विविध टप्प्यांवर घ्यायचे होते, मात्र हे प्रशिक्षण पूर्ण झालेले नाही, असे घस्सान यांनी सांगितले. त्यामुळे सध्या आमच्या दलात अशी कोणतीही व्यक्ती नाही ज्यांना दोन हेलिकॉप्टर आणि डॉर्नियर उडवण्याचा परवाना आहे किंवा ती उडवण्यास सक्षम आहे.

चीन समर्थक नेते मुइझ्झू यांनी १० मे पर्यंत बेट राष्ट्रातील तीन विमानचालन प्लॅटफॉर्मवर कार्यरत असलेल्या सर्व भारतीय लष्करी कर्मचाऱ्यांना माघार घेण्याचा आग्रह केल्याने दोन्ही देशांमधील संबंध बिघडले. भारताने आधीच ७६ लष्करी जवानांना माघारी मागे घेतले.

सेन्हिया मिलिटरी हॉस्पिटलमधून भारतीय डॉक्टरांना काढून टाकण्याचा मालदीव सरकारचा कोणताही हेतू नाही, असे मालदीवच्या मीडिया रिपोर्टमध्ये म्हटले आहे.

माजी राष्ट्रपती मोहम्मद नशीद आणि अब्दुल्ला यामीन यांच्या सरकारच्या काळात दान केलेल्या हेलिकॉप्टरसह भारतीय सैन्याचे मालदीवमध्ये येण्याचे मुख्य कारण आणि माजी अध्यक्ष इब्राहिम मोहम्मद सोलिह यांच्या सरकारच्या काळात आणलेली डॉर्नियर विमाने मालदीवच्या लोकांना प्रशिक्षण देणे हे होते.