नदीवरील पुलावरून कोसळून बसचा भीषण अपघात! ३१ जणांचा दुर्दैवी मृत्यू

आफ्रीकन देश माली येथे एका रस्ते अपघातात ३१ जणांचा मृत्यू झाल्याची घटना समोर आली आहे. ही घटना स्थानिक वेळेनुसार मंगळवारी सायंकाळी पाचच्या सुमारास घडली.

आफ्रिकन देश माली येथे एका बसचा भीषण अपघात झाल्याचे घटना समोर आली आहे. एका पुलावरून बस कोसळली. या अपघातात ३० हून अधिक जणांचा मृत्यू झाला आहे, तर १० जण जखमी झाल्याची माहिती समोर आली आहे. नदीवरील पुलावरून बस खाली पडल्याची घटना केनिबा परिसरात घडली.

मिळालेली माहिती अशी, मंगळवारी मालीमध्ये ३१ जणांचा मृत्यू झाला आणि १० जण जखमी झाले. बुर्किना फासोच्या दिशेने जाणारी बस देशाच्या दक्षिण-पूर्व भागात असलेल्या पुलावरून पडल्याने हा अपघात झाला.

कोण आहेत चार भारतीय अंतराळवीर?; कठोर प्रशिक्षण झाले सुरू

बागो नदी ओलांडणाऱ्या पुलावर सायंकाळी ५ वाजता हा अपघात झाला.या अपघातामागील संभाव्य कारण चालकाचे वाहनावरील नियंत्रण सुटले असल्याचे मंत्रालयाने म्हटले आहे. माली येथे वारंवार रस्ते अपघात होत आहेत. देशातील अनेक रस्ते, महामार्ग आणि वाहनांची दुरवस्था झाली आहे.

या महिन्याच्या सुरुवातीला, मध्य माली येथे राजधानी बामाकोकडे जाणारी बस एका ट्रकला धडकल्याने १५ जण ठार आणि ४६ जण जखमी झाले. दोन्ही वाहने विरुद्ध दिशेने जात होती.