अचानक घरी आलेल्या पतीला शेजाऱ्यासोबत दिसली पत्नी, रागाच्या भरात केली त्याची हत्या!

Kenya Crime News : सॅम्युअल मुसुन्गू नावाची एक व्यक्ती न सांगता अचानक घरी पोहोचला आणि त्याने बेडरूममध्ये पत्नीला शेजारी पुरूषासोबत आक्षेपार्ह स्थितीत पाहिलं.

(प्रातिनिधीक छायाचित्र)

आफ्रिकन (Africa) देश केनियाच्या (Kenya) रंडामध्ये पोलिसांनी ४८ वर्षीय एका व्यक्तीला शेजाऱ्याच्या हत्येप्रकरणी अटक केली आहे. एका रिपोर्टनुसार, पोलिसांनी सांगितलं की, सॅम्युअल मुसुन्गू नावाची एक व्यक्ती न सांगता अचानक घरी पोहोचला आणि त्याने बेडरूममध्ये पत्नीला शेजारी पुरूषासोबत आक्षेपार्ह स्थितीत पाहिलं. रागाच्या त्याने शेजाऱ्यावर हल्ला केला.

आफ्रिकन मीडिया रिपोर्टनुसार, ही घटना केनियाच्या रूंडा भागातील आहे. सॅम्युअल मुसुन्गू एक मजूर आहे. पोलिसांनी सांगितलं की, सॅम्युअलने शेजाऱ्याला पत्नीसोबत आक्षेपार्ह स्थितीत पाहिलं. त्यानंतर संतापलेल्या सॅम्युअलने एक दगड उचलला आणि ४० वर्षीय शेजारी पुरूषाच्या डोक्यात मारला. त्याचा जागीच मृत्यू झाला. मृत व्यक्तीचं नाव नॅशन मुडोवी होतं.

The Directorate of Criminal Investigations च्या रिपोर्टनुसार, घटनेवेळी काही लोक नॅशनला वाचवण्यासाठी तिथे पोहोचले होते. पण त्याला वाचवण्याआधीच त्याचा जीव गेला होता. स्थानिक व्यक्ती रिचर्ड वामलवा यांनी सांगितलं की, ही घटना एखाद्या हॉरर सिनेमासारखी होती. एखाद्या वाईट स्वप्नासारखी.

nairobileo.co.ke च्या रिपोर्टनुसार, घटनेननंतर पोलिसांनी आरोपीला अटक केली आणि त्याची चौकशी केली जात आहे. त्याच्यावर हत्येचा गुन्हा दाखल करण्यात आला आहे.