गर्लफ्रेंड नव्हे, आई

या छायाचित्राला पाहणारे त्यांना जोडपेच समजतात; परंतु ते पूर्णपणे खोटे आहे. या मुलीचे नाव लिऊ एलिन आहे. चिनी सोशल मीडिया साईट विबोवर तिचे ७५ हजारांपेक्षाही जास्त फालोअर्स आहेत. तिची फिगर आणि शारीरिक सौंदर्याने प्रभावित झालेल्या एका चाहत्याने तिच्यावर एक लेख प्रसिद्ध केला व त्यानंतर जगात लोकांचे तिच्याकडे लक्ष गेले. छायाचित्रात २२ वर्षांच्या मुलासोबत दिसणारी लिऊ एलिन ना त्याची मैत्रीण आहे ना बहीण. लिऊ या मुलाची आई आहे. बुचकाळ्यात पडलात ना? खूप सुंदर आणि तरुण दिसणाऱ्या लिऊचा जन्म चीनच्या हैनान प्रांतात १९६८ मध्ये झाला. ती आज ४९ वर्षांची आहे. कोणीही तिच्या वयावर विश्वास ठेवत नाही की ती या मुलाची आई असेल यावरदेखील. लिऊ ग्रंथपाल म्हणून सेवानिवृत्त झाली आहे. तिची कातडी व शरीर एवढे तरुण राहिले त्याचे श्रेय अर्थातच तिने नियमितपणे केलेल्या व्यायामाला जाते. लिऊ म्हणते मी जेव्हा माझ्या मुलासोबत बाहेर जाते त्यावेळी लोक मला त्याची गर्लफ्रेंडच समजतात. लिऊचे सौंदर्य हे नैसर्गिक आहे. ती मेकअप करीत नाही. केला तर खूपच कमी. लिऊला ८० व्या वर्षापर्यंतही आपण असेच तरुण दिसण्याची इच्छा आहे.