Oscar 2017 : वाचा.. कोणाला मिळाले नामांकन अन् कोण आहे रेसमध्ये
By लोकमत न्यूज नेटवर्क | Published: February 26, 2017 07:12 PM2017-02-26T19:12:38+5:302017-02-26T19:28:01+5:30
सध्या ऑस्कर अवॉर्डचे वारे जोरात वाहत आहेत. 89 व्या ऑस्कर अवॉर्डस सोहळ्याचे काउंटडाउन सुरू झाले आहे.
Oscar 2017 : वाचा.. कोणाला मिळाले नामांकन अन् कोण आहे रेसमध्ये
ऑनलाइन लोकमत
कॅलिफोर्निया, दि. 26 - सध्या ऑस्कर अवॉर्डचे वारे जोरात वाहत आहेत. 89 व्या ऑस्कर अवॉर्डस सोहळ्याचे काउंटडाउन सुरू झाले आहे. या शानदार समारंभाला भारतीय वेळेनुसार उद्या सकाळी 5:30 वाजाता सुरुवात होणार आहे. भारतीयांनाही नेहमीच ऑस्करचे आकर्षण राहिले आहे. जागतिक सिनेमाचा सर्वाधिक प्रतिष्ठित समजल्या जाणाऱ्या कॅलिफोर्निया स्थित लॉज एंजेलिस येथील डॉल्बी थिएटरमध्ये पार पडणाऱ्या या सोहळ्यात जगातील सर्वोत्कृष्ट सिनेमांचा गौरव केला जाणार आहे. या सोहळ्यात कोणी बाजी मारली अन् कोणाला नामांकन मिळालेत याची याची यादी खालीलप्रमाणे आहे.
यावर्षीच्या ऑस्कर सोहळ्यात 14 मानकांने मिळालेल्या ला लॅँडकडे सगळ्यांच्याच नजरा लागून आहेत. कारण विविध श्रेणींमध्ये सर्वाधिक नामांकने मिळालेला पहिला सिनेमा ठरला आहे. या सिनेमाला याच महिन्यात पार पडलेल्या ब्रिटिश फिल्म अवॉर्डस बाफ्टा २०१७ मध्ये पाच अवॉर्डस देऊन सन्मानित करण्यात आले होते. ज्यामध्ये बेस्ट फिल्म, डेमियन चाजेल यांना बेस्ट डायरेक्टर, एमा स्टोन हिला बेस्ट अ‍ॅक्ट्रेस तसेच सिनेमेटोग्राफी आणि बेस्ट म्युझिकसाठी अवॉर्ड देण्यात आले. त्यामुळे ऑस्करमध्येही या सिनेमाची घौडदौड कायम राहणार अशी अपेक्षा केली जात आहे.
