पाकिस्तान - पेशावर शाळा दहशतवादी हल्ल्याचा मास्टमाइंड ड्रोन हल्ल्यात मृत्युमुखी

25 मे रोजी अमेरिकेने उमर मन्सूरला आंतरराष्ट्रीय दहशतवादी घोषित केले होते. अफगाण तालिबानचा प्रमुख अख्तर मन्सूरचा 21 मे रोजी बलुचिस्तानमध्ये ड्रोन हल्ल्यात मृत्यू झाल्याच्या 4 दिवसानंतर अमेरिकेने ही घोषणा केली होती.  

अफगाणिस्तानमधील खायबर आदिवासी पट्ट्यात दहशतवादी कारवाया करण्याच्या हेतूने उमर मन्सूरने आपलं बस्तान अफगाणिस्तानला हलवलं होतं. पेशावरमधील एअर बेसवर हल्ला करण्यामागेही उमर मन्सूरचा हात होता. या हल्ल्यात 29 जणांचा मृत्यू झाला होता. 20 जानेवारी, 2016 रोजी पाकिस्तानमधील बाचा खान विद्यापीठामध्ये झालेल्या हल्ल्यामागेही उमर मन्सूरच होता.

– पाकिस्तानातल्या वायव्य सरहद्द प्रांतात या अतिरेकी संघटनेचे केंद्र आहे

– 2007 मध्ये जहाल विचारांच्या 13 गटांनी एकत्र तहरीक-ए-तालिबान पाकिस्तानची स्थापना केली

– 2008 मध्ये या अतिरेकी संघटनेवर पाकिस्तान सरकारनं बंदी घातली

 

पश्‍तो शब्द तालिबनपासून तालिबान हा शब्द बनला आहे. त्याचा अर्थ विद्यार्थी असा होतो. तालिबान अफगाणिस्तानमधील कट्टर इस्लामी राजकीय आंदोलन आहे. ती 1996 ते 2001 पर्यंत अफगाणिस्तानमध्‍ये सत्तेत होते.  9/11 हल्ल्यानंतर अमेरिकेने अफगाणिस्तानवर हल्ला करुन तालिबानला सत्तेवरुन पाय उतार केले. सत्तेत असताना त्यांनी कट्टर शरिया कायदे लागू केले होते. 16 डिसेंबर, 2014 रोजी पेशावरमधील लष्‍करी शाळेवर हल्ला करुन टीटीपी प्रकाशझोतात आली होती. या हल्ल्यात 144 निष्‍पाप लोकांनी आपला जीव गमावला होता. यानंतर पाकिस्तान सरकारने या संघटनेच्या दहशतवाद्यांना फाशीची शिक्षा सुनावली आहे.