हनिमूनमधील भारतीय जोडप्याच्या 'त्या' क्षणांचे चित्रीकरण करणा-या पाकिस्तानी ड्रायव्हरला अटक

हनिमूनसाठी दुबईला गेलेल्या भारतीय जोडप्याच्या लैंगिक संबंधांचे मोबाईलवर चोरुन चित्रीकरण करणा-या पाकिस्तानी ड्रायव्हरला अटक करण्यात आली आहे.

ऑनलाइन लोकमत 

दुबई, दि. ३१ - हनिमूनसाठी दुबईला गेलेल्या भारतीय जोडप्याच्या लैंगिक संबंधांचे मोबाईलवर चोरुन चित्रीकरण करणा-या पाकिस्तानी ड्रायव्हरला अटक करण्यात आली आहे. एमएस असे या ड्रायव्हरचे नाव आहे. विवाहानंतर चार दिवसांच्या हनिमूनसाठी हे जोडपे दुबईला गेले होते. या ड्रायव्हरकडे लिमोझीनमधून जोडप्याला दुबई फिरवण्याची जबाबदारी होती. 

 

लिमोझीनमधील या जोडप्याच्या अंतरंग क्षणांचे एमएसने चोरुन त्याच्या मोबाईलवर चित्रीकरण केले व जोडप्याला ब्लॅकमेल करण्याचा प्रयत्न केला. एमएसने जोडप्याला पुन्हा हॉटेलमध्ये आणून सोडल्यानंतर त्याच दिवशी संध्याकाळी त्याने पतीच्या व्हॉटसअॅपवर तो व्हिडीओ पाठवला व दोन हजार दिरामची मागणी केली. 

 

पैसे द्या अन्यथा व्हिडीओ सोशल मिडियावर व्हायरल करीन अशी त्याने धमकी दिली. पतीने त्याच्या दुबईमधील मित्राला या घटनेची माहिती दिली. त्यानंतर दोघांनी रीतसर पोलिसात तक्रार दाखल केली. दोन दिवसांनी जेव्हा ड्रायव्हर पैसे नेण्यासाठी हॉटेलमध्ये आला तेव्हा पोलिसांनी त्याला अटक केली. दुबईच्या न्यायालयात या खटल्याची सुनावणी सुरु आहे. फेब्रुवारी महिन्यात ही घटना घडली होती.