"हिंदूंविरोधात मुस्लिम देशांनी एकत्र यावं, पाकिस्तानी सैन्यानं हल्ला करावा"

Al Aqsa Mosque Cleric Hate Speech : जेरुसलेमच्या अल-अक्सा मशिदीत हिंदूंविरोधात द्वेषपूर्ण भाषण...

मोहम्मद पैगंबरांवरील वादग्रस्त वक्तव्यासंदर्भात आता पॅलेस्टाईनमधूनही विरोधाचा सूर ऐकू येऊ लागला आहे. भाजप नेत्यांच्या मोहम्मद पैगंबरांवरील वक्यव्यांविरोधात जेरुसलेमच्या अल अक्सा मशिदीवर 10 जून रोजी हिंदूं विरोधात रॅलीचे आयोजन करण्यात आले होते.

द मिडल ईस्ट मीडिया रिसर्च इंस्टीट्यूटनुसार (एमईएमआरआय), रॅली दरम्यान अल-अक्सा मशिदीत पॅलेस्टाइनचे इस्लामिक स्कॉलर निधाल सियाम यांनी गायींची पूजा करणाऱ्या हिंदूंविरोधात जिहाद सुरू करण्याचे आव्हान केले आहे. यावेळी त्यांनी पाकिस्तानचा उल्लेख करत, पाकिस्तानकडे हिंदूंना धडा शिकविण्यासाठी सक्षम सैन्य आहे, असे म्हटले आहे.

इस्लामिक स्कॉलर निधाल सियाम म्हणाले, अक्सा मशिदीतून आम्ही मुस्लिम सैन्याला संबोधित करत आहोत. इजिप्त, तुर्की, जॉर्डन आणि सर्वच मुस्लिम देशांना आम्ही विचारतो, की तुम्ही कुठे आहात? तुमचा धर्म आणि मोहम्मद पैगंबरांना पाठिंबा देण्याची हीच खरी वेळ नाही का? आपल्या देशांना स्वतंत्र करण्याची हीच योग्य वेळ नाही का? पाकिस्तानी नागरिकहो, इतर कुठल्याही देशापेक्षा, हिंदूंचा सामना करण्याची तुमची जबाबदारी अधिक आहे.

या व्हिडिओमध्ये मुस्लिम देशांना हिंदूंविरोधात एकत्र येण्याचे आवाहन करण्यात आले आहे. यात सियाम म्हणतात, सर्वप्रथम अमेरिकेने इराक आणि अफगाणिस्तानवर हल्ला केला. यानंतर स्वीडनने मुस्लिम मुलांचे अपहरण केले. फ्रान्सने हल्ला केला. रशियने अनेक वेळा हल्ले केले. यानंतर चीननेही गुन्हा केला. आता गायींची पूजा करणाऱ्या हिंदूंनी मशिदी उद्ध्वस्त केल्या. त्यांनी मुस्लिमांची कत्तल केली आणि त्यांची गावे उद्धवस्त केली.

पाकिस्तानी नागरिकहो, तुम्हाला हिंदूंशी लढण्याची मोठी जबाबदारी पार पाडायची आहे. ते तुमच्या सीमेवर आहेत, त्यांनी तुमच्या भूभागावर कब्जा केला आहे. ते तुमच्या लोकांना मारत आहेत. आता हिंदूंचा सामना करण्यासाठी मैदानात उतरण्याची वेळ आली आहे.