"सिक्रेट ट्रेन नेटवर्क, लाइफ स्टाइल", पुतिन यांच्याशी संबंधित अनेक गुपिते रशियन अधिकाऱ्याकडून उघड!

रशियाचे राष्ट्राध्यक्ष व्लादिमीर पुतिन यांच्याबाबत एक धक्कादायक खुलासा समोर आला आहे. 

मॉस्को : रशिया आणि युक्रेनमध्ये 13 महिन्यांहून अधिक काळ युद्ध सुरू आहे. दोन्ही देश एकमेकांविरुद्ध लष्करी फायदा मिळवण्याच्या उद्देशाने आपापल्या रणनीतीनुसार पुढे जात आहेत. दरम्यान, रशियाचे राष्ट्राध्यक्ष व्लादिमीर पुतिन यांच्याबाबत एक धक्कादायक खुलासा समोर आला आहे. 

ग्लेब काराकुलोव्ह या वरिष्ठ रशियन सुरक्षा अधिकाऱ्याने व्लादिमीर पुतिन यांची सिक्रेट लाइफ स्टाइल, गुप्त ट्रेन नेटवर्क, वेगवेगळ्या शहरांमधील एकसमान कार्यालयांसह कठोर वैयक्तिक सुरक्षा प्रोटोकॉल याबद्दल धक्कादायक माहिती शेअर केली आहे. दरम्यान, ग्लेब काराकुलोव्ह यांनी युद्धादरम्यानच व्लादिमीर पुतिन यांची साथ सोडली होती.

ग्लेब काराकुलोव्ह यांनी फेडरल सिक्युरिटी सर्व्हिस (एफएसओ) मध्ये कप्तान म्हणून काम केले आहे. रशियाच्या टॉप रँकिंग अधिकार्‍यांच्या सुरक्षेसाठी काम करणाऱ्या या शक्तिशाली संघटनेने म्हटले आहे की, हे उपाय रशियन राष्ट्राध्यक्षांचा ठावठिकाणा लपविण्यासाठी डिझाइन केले गेले होते, त्यांना आपल्या जीवाची भीती वाटत होती.

ग्लेब काराकुलोव्ह यांनी सांगितले की, ट्रेनचा वापर करण्यात आला होता, कारण ती कोणत्याही माहिती स्त्रोतावर ट्रॅक केली जाऊ शकत नाही. हे गुप्त हेतूने करण्यात आले होते. रशियन तपास आउटलेट प्रोएक्टने पूर्वी ट्रेन अस्तित्व आणि नोवो-ओग्रियोवोमधील वल्दाई राष्ट्रीय उद्यानात व्लादिमीर पुतिन यांच्या निवासस्थानाजवळील समांतर रेषा आणि स्थानकांसह गुप्त रेल्वे नेटवर्क आणि सोचीच्या ब्लॅक सी रिसॉर्टमधील त्यांचे बोचारोव्ह रुचेई निवासस्थान यांचा समावेश आहे.

दरम्यान, ग्लेब काराकुलोव्ह हे अध्यक्षीय संप्रेषण संचालनालयाच्या फील्ड टीमचे सदस्य होते, जे उच्च रशियन अधिकार्‍यांचे संदेश एन्क्रिप्ट करते आणि असा अंदाज आहे की, त्यांनी 180 हून अधिक ठिकाणी उच्च अधिकार्‍यांसह प्रवास केला. अहवालात म्हटले आहे की, युक्रेनमध्ये रशियाचे युद्ध सुरू झाल्यापासून ते पक्ष बदणारे सर्वोच्च दर्जाचे गुप्तचर अधिकारी आहेत.