लंडनमध्ये प्रदर्शित होणार सैराट
By admin | Published: June 22, 2016 02:19 PM2016-06-22T14:19:30+5:302016-06-22T14:19:30+5:30
अवघ्या महाराष्ट्राला वेड लावल्यावर सैराट हा सिनेमा लंडनमध्ये प्रदर्शित होण्यासाठी सज्ज झाला आहे.
लंडनमध्ये प्रदर्शित होणार सैराट
Next
सोलापूर, दि. 22 - अवघ्या महाराष्ट्राला वेड लावल्यावर सैराट हा सिनेमा लंडनमध्ये प्रदर्शित होण्यासाठी सज्ज झाला आहे. 9 जुलैला हा सिनेमा लंडनमध्ये प्रदर्शित होणार आहे. इथल्या सिनेमागृहात प्रदर्शित होणाऱ्या भारतीय चित्रपटांमध्ये सैराटला हा मान मिळाला आहे. आर्ची आणि परशाची केमिस्ट्री आता लंडनमधल्या प्रेक्षकांनाही पहायला मिळणार आहे.
याआधी सैराटने अनेक विक्रम केले आहेत. मराठीमध्ये सर्वाधिक गल्ला जमवणारा चित्रपट सैराट ठरला आहे. सैराटने आत्तापर्यंत 90 कोटी रुपयांचा आकडा पार केला असून लवकरच 100 कोटींचं लक्ष्य हा सिनेमा गाठेल असा अंदाज आहे.
मराठी चित्रपटांची कमाई
- नटसम्राटने एका आठवड्यात 16 कोटी 50 लाख रुपयांची कमाई केली होती. तर नऊ दिवसात नानाचा नटसम्राट 22 कोटीच्या पार गेला होता. चौथ्या आठवड्यात हा आकडा 35 कोटींच्या घरात गेला होता.
- दुसरीकडे कट्यार काळजात घुसली या सिनेमाने पहिल्या आठवड्यात 7 कोटी रुपयांची कमाई केली होती.
- तर रितेश देशमुखच्या लय भारीने चार दिवसात 12.70 कोटी रुपयांचा गल्ला जमवला होता. लय भारीने प्रदर्शनाच्या दिवशी 3 कोटी 10 लाख, शनिवारी 3 कोटी 60 लाख, रविवारी 3 कोटी 85 लाख आणि सोमवारी 2 कोटी 15 लाखांचा गल्ला जमवला होता.
.jpg)
