शरीफ म्हणाले, बुरहान ‘शहीद’

काश्मिरात चकमकीत मारला गेलेला हिज्बुलचा अतिरेकी बुरहान वनी याला पाकिस्तानचे पंतप्रधान नवाज शरीफ यांनी शहीद संबोधले.

इस्लामाबाद : काश्मिरात चकमकीत मारला गेलेला हिज्बुलचा अतिरेकी बुरहान वनी याला पाकिस्तानचे पंतप्रधान नवाज शरीफ यांनी शहीद संबोधले. भारतीय सुरक्षा दलाकडून काश्मिरात नागरिकांविरुद्ध जे अत्याचार केले जात आहेत त्याविरुद्ध १९ जुलै रोजी काळा दिवस पाळण्यात येईल, असेही त्यांनी सांगितले.
काश्मीरच्या मुद्यावर लाहोरमध्ये बोलावलेल्या बैठकीत ते म्हणाले, काश्मिरी नागरिकांचे स्वातंत्र्याचे आंदोलन आहे. काश्मिरी नागरिक आपला अधिकार मिळवतील, पाकिस्तान त्यांच्या पाठीशी आहे. दरम्यान, भारताने हा आमचा अंतर्गत मामला असल्याचे म्हटले आहे.