दक्षिण कोरियातील प्रसिद्ध अभिनेत्रीने केली आत्महत्या, सुसाइड नोट वाचून व्हाल इमोशनल

Yoo Joo Eun Suicide : दक्षिण कोरियातील न्यूज पोर्टल सोम्पीच्या रिपोर्टनुसार, यू जू-उन ने आपल्या सुसाइड नोटमध्ये लिहिलं की, ती आत्महत्या करण्याबाबत गेल्या काही दिवसांपासून विचार करत होती.

Yoo Joo Eun Suicide : दक्षिण कोरियातील (South Korea) अभिनेत्री यू जू-उनने सोमवारी आत्महत्या केली. ती 27 वर्षांची होती. तिच्या मृत्यूबाबत तिच्या परिवाराने माहिती दिली. त्यांनी हेही सांगितलं की, यू जू ने आपल्या आई-वडिलांच्या नावे एक सुसाइड नोटही लिहून ठेवली. यू जू ने अनेक लोकप्रिय शोजमध्ये काम केलं होतं. दक्षिण कोरियातील न्यूज पोर्टल सोम्पीच्या रिपोर्टनुसार, यू जू-उन ने आपल्या सुसाइड नोटमध्ये लिहिलं की, ती आत्महत्या करण्याबाबत गेल्या काही दिवसांपासून विचार करत होती.

2018 मध्ये 'बिग फॉरेस्ट' मधू डेब्यू करणाऱ्या यू जू-उन ने सुसाइड नोटच्या माध्यमातून आई, वडील आणि मोठ्या भावाची माफी मागितली आहे. तिने लिहिलं की, तिच्या मनाला धक्का बसला आहे आणि आता तिला जगायची इच्छा राहिलेली नाही. तिच्या परिवाराने तिची सुसाइड नोट सार्वजनिक केली आहे.

यू जू-उन ने आपल्या सुसाइड नोटमध्ये लिहिलं की, 'मला सर्वातआधी तुम्हा सर्वांना सोडून जाण्याचं दु:खं आहे. खासकरून मला आई, वडील, आजी आणि मोठ्या भावासाठी वाईट वाटत आहे. माझं मन मला सतत सांगतं की, मला जगायचं नाहीये. माझ्याशिवाय तुमचं जगणं अवघड होऊ शकतं. पण कृपया हिंमतीने जगा. मी प्रत्येक गोष्टीवर लक्ष ठेवेन. रडू नका, तुम्ही दु:खी होऊ नका'.

'मी अजिबात उदास नाहीये. मला दृढ आणि शांत वाटत आहे. मला असं वाटतंय कारण मी या गोष्टीबाबत खूप आधीपासून विचार करत आहे. मी खूप सुखी जीवन जगले ज्याचा मला अधिकार होता. ते माझ्यासाठी पुरेसं आहे. त्यामुळे कुणावरही दोष न देता मी जात आहे'.

यू जू-उन ने तिच्या सुसाइड नोटमध्ये पुढे लिहिलं की, 'मी जगातून गेलेली नाही. त्यामुळे सगळे चांगले जगा. मला आशा आहे की, माझ्या अंत्यसंस्कारात बऱ्याच लोकांना बोलवलं जाईल. आणि प्रत्येकाला मला काही क्षणासाठी बघायचं आहे. एका अशा व्यक्तीला बघायचं आहे ज्याच्यासाठी हा काळ फार कठिण होता. देवाचं माझ्यावर प्रेम आहे. त्यामुळे तो मला नर्कात पाठवणार नाही. ते माझ्या भावना समजून घेतील आणि माझी काळजी घेतील. कुणीही चिंता करू नका'.

तिने लिहिलं की, 'माझ्यावर प्रेम करणाऱ्या परिवाराला, माझ्या मित्रांना आणि माझ्या फॅन्सचे धन्यवाद. हेच लोक माझी ताकत आणि माझं हास्य होते. मी एक यशस्वी जीवन जगले. मला समजून घेण्यासाठी आणि मला मिठी मारण्यासाठी धन्यवाद. मला दु:खं आहे की, हे मी चांगल्या प्रकारे व्यक्त करू शकत नाही. पण तुम्ही सगळे समजून घ्याल, हो ना?'.