आश्चर्य ! दुस-याच्या प्लेटमधील तीन फ्राईज उचलल्या म्हणून महिलेला अटक
By admin | Published: September 16, 2016 09:10 AM2016-09-16T09:10:03+5:302016-09-16T09:43:39+5:30
रेस्टॉरंटमध्ये दुस-याच्या प्लेटमधील तीन फ्राईज उचलल्या म्हणून चक्क महिलेला अटक करण्यात आली आहे. वॉशिंग्टन डीसीमध्ये ही घटना घडली आहे
आश्चर्य ! दुस-याच्या प्लेटमधील तीन फ्राईज उचलल्या म्हणून महिलेला अटक
Next
वॉशिंग्टन, दि. 16 - जगभरात अनेक घडामोडी घडत असतात पण ही बातमी वाचून तुम्हाला आश्चर्य वाटेल आणि हे असंपण असतं का ? हा प्रश्न नक्की पडेल. रेस्टॉरंटमध्ये दुस-याच्या प्लेटमधील तीन फ्राईज उचलल्या म्हणून चक्क महिलेला अटक करण्यात आली आहे. वॉशिंग्टन डीसीमध्ये ही घटना घडली आहे.
वॉशिंग्टन डीसीमध्ये रेस्टॉरंटमध्ये एक व्यक्ती शांत बसून फ्राईज खात होता. त्यावेळी ही महिला दारुच्या नशेत तिथे पोहोचली आणि त्याच्या बाजूला बसली. दोघांनी काही वेळ गप्पादेखील मारल्या आणि बोलता बोलता या महिलेने त्याच्या प्लेटमधील फ्राईज उचलल्या. जेव्हा दुस-यांदा तिने फ्राईज उचलण्यासाठी हात पुढे नेला तेव्हा मात्र त्या व्यक्तीने विरोध करत आपण यासाठी पैसे मोजले आहेत आणि तुम्ही ते अशाप्रकारे उचलू शकत नाही असं स्पष्ट सांगितलं. विशेष म्हणजे ही व्यक्ती पोलीस अधिकारी होती.
त्याने विरोध केल्याचं पाहून महिलेला राग आला आणि तिने मग मला अटक करुन जेलमध्ये टाका असं सांगितलं. आणि खरंच त्या पोलीस अधिका-याने आपल्या प्लेटमधून तीन फ्राईज चोरल्याच्या आरोपाखाली त्या महिलेला अटक केली.
.jpg)
ज्या गुन्ह्यासाठी महिलेला अटक करण्यात आली आहे तो गुन्हा तर आपण आपल्या मित्रांसोबत असताना नेहमीच करत असतो. पण या घटनेमुळे ही महिला पुढच्यावेळी कोणाच्या प्लेटमधून काही उचलण्याआधी परवानगी घेईल एवढं मात्र नक्की.
