याला म्हणतात नशीब! पत्नी ठरली लकी, टॅक्सी ड्रायव्हर झाला करोडपती; मिळाले 2 कोटी 80 लाख

टॅक्सी ड्रायव्हरचं नशीब रातोरात बदलल्याची घटना समोर आली आहे. एका झटक्यात तो करोडपती झाला आहे. लॉटरी लागली असून त्याने तब्बल 2 कोटी 80 लाख रुपये जिंकले आहेत. टॅक्सी ड्रायव्हरने दिलेल्या माहितीनुसार, तो कोट्यधीश झाला मात्र त्यामागे त्याच्या दिवंगत पत्नीचा मोठा वाटा आहे. त्याने पत्नीच्या वयाच्या नंबरचा उपयोग करून लॉटरीचं तिकीट खरेदी केलं होतं. 

TheThaiger च्या रिपोर्ट्सनुसार, थायलंडच्या बँकॉकमध्ये ही घटना घडली आहे. एका टॅक्सी चालकाला 2 कोटी 80 लाखांची लॉटरी लागली. त्या व्यक्तीने आपली ओळख उघड केलेली नाही आणि सांगितले की, या पैशांचा वापर तो पूर्वीचे कर्ज फेडण्यासाठी आणि आपल्या मुलीच्या चांगल्या आयुष्यासाठी करणार आहे. 

टॅक्सी ड्रायव्हरने दिलेल्या माहितीनुसार, गेल्या आठवड्यात त्याच्या पत्नीचा मृत्यू झाला. लॉटरी घेताना त्याने पत्नीच्या वयाच्या नंबरचा वापर करून लॉटरीची दोन तिकीटं खरेदी केली. दोन्ही तिकीट एकाच नंबरचे होते. नशिबाने त्याला लॉटरी लागली आणि त्याने तब्बल 12 मिलियन Bath म्हणजेच दोन कोटी 80 लाख रुपये जिंकले. 

लॉटरी जिंकल्यानंतर, व्यक्तीच्या डोळ्यातून आनंदाश्रू वाहू लागले आणि त्याने आपल्या मुलीला मिठी मारली. याचे काही फोटो हे सोशल मीडियावर जोरदार व्हायरल झाले आहेत. जेव्हा लोकांनी त्याला विचारले की पैसे मिळाल्यावर तो नोकरी सोडणार का? तर त्याने आता त्याबाबत काहीही विचार केला नसल्याचं त्याने सांगितलं. एका हिंदी वेबसाईटने याबाबतचे वृत्त दिले आहे. 

पहिली बेटी, धनाची पेटी! सकाळी मुलगी जन्मली, संध्याकाळी आई 80 लाखांची मालकीण झाली

कोणाचं नशीब कधी आणि कसं फळफळेल हे सांगता येत नाही. अशीच एक आश्चर्यकारक घटना आता समोर आली आहे. एका महिलेने सकाळी मुलीला जन्म दिला आणि संध्याकाळी ती तब्बल 80 लाखांची मालकीण झाल्याची घटना घडली आहे. माझ्या मुलीमुळे माझं नशीब फळफळलं, ती आमच्यासाठी लकी चार्म ठरली. त्यामुळे मी तिची खूप आभारी आहे असं महिलेने म्हटलं आहे. अमेरिकेच्या नॉर्थ कॅरोलीनामध्ये राहणाऱ्या महिलेचं नाव ब्रेंडा असं आहे. 9 नोव्हेंबरला तिने सकाळी एका गोड मुलीला जन्म दिला आणि संध्याकाळी तिला लॉटरी लागली. बक्षीस म्हणून तिने जवळपास 80 लाख जिंकले आहेत.