विवस्रावस्थेतील महिला कारमधून उतरली, बंदुकीतून धडाधड गोळ्या झाडू लागली, त्यानंतर...

United State News: अमेरिकेतील कॅलिफोर्नियामधील सॅन फ्रान्सिस्को येथील बे ब्रिजवर एक धक्कादायक घटना घडली आहे. येथे एका महिलेने कारमधून बाहेर येत अचानक गोळीबार सुरू करण्यास सुरुवात केली.

अमेरिकेतील कॅलिफोर्नियामधील सॅन फ्रान्सिस्को येथील बे ब्रिजवर एक धक्कादायक घटना घडली आहे. येथे एका महिलेने कारमधून बाहेर येत अचानक गोळीबार सुरू करण्यास सुरुवात केली. मात्र या गोळीबारात कुणीही जखमी झाल्याचं वृत्त नाही. धक्कादायक बाब म्हणजे कारमधून उतरून गोळीबार करणारी महिला ही पूर्णपणे नग्न होती. दरम्यान, कुणीतरी तिचा व्हिडीओ तयार करून तो व्हायरल केला. 

कॅलिफोर्निया हायवे पेट्रोलचे कायदेशीर प्रवर्तक अधिकाऱ्यांनी सांगितले की, एक ड्रायव्हर नग्नावस्थेत आय-८० स्पॅनवर बंदूक हवेत उंचावत आहे, अशी माहिती मिळाली होती. ही घटना मंगळवारी संध्याकाळी सुमारे ४.४० च्या दरम्यान घडली. रिपोर्टनुसार, या महिलेने अचानक आपलं वाहन एका गल्लीमध्ये रोखलं आणि चाकू दाखवून आरडाओरडा केला. तसेच बाहेर निघून गेली. त्यानंतर ती आपल्या कारमध्ये पुन्हा बसली आणि ओकलँडच्या दिशेने गेली. एका टोल प्लाझावर पोहोचल्यावर ती पुन्हा एकदा वाहनातून बाहेर आली. यावेळी ती विवस्त्रावस्थेत आणि हातात बंदूक घेतलेल्या स्थितीत होती.

या घटनेच्या व्हायरल झालेल्या व्हिडीओमध्ये सदर महिला रस्त्यावरून चालताना आणि आपल्या हातातील शस्त्र हवेत उंचावताना दिसत आहे. मात्र अधिकारी त्वरित घटनास्थळी पोहोचले. तसेच त्यांनी या महिलेची समजूत काढून तिला ताब्यात घेतले. सुदैवाने या घटनेमध्ये कुणाचाही मृत्यू झालाले नाही. अटकेची कारवाई झाल्यानंतर सदर महिलेचं मानसिक स्वास्थ्य व्यवस्थित नसल्याची माहिती मिळाली. तिला एका रुग्णालयात उपचारांसाठी दाखल करण्यात आले. प्रकृतीमध्ये सुधारण्यात आल्यानंतर तिला या कृतीसाठी विविध आरोपांचा सामना करावा लागणार आहे.