भारतानंतर चीनवर अमेरिकेची कारवाई; TikTok, Wechat बंदीचे आदेश

By ऑनलाइन लोकमत | Published: August 7, 2020 09:42 AM2020-08-07T09:42:46+5:302020-08-07T09:44:08+5:30

ट्रम्प यांनी गुरुवारी सायंकाळी चिनी अॅप TikTok आणि Wechat अॅप अमेरिकेत 45 दिवसांच्या आत बंद करण्याचे आदेश दिले आहेत.

US action on China after India; TikTok, Wechat ban orders by donald trump | भारतानंतर चीनवर अमेरिकेची कारवाई; TikTok, Wechat बंदीचे आदेश — भारतानंतर चीनवर अमेरिकेची कारवाई; TikTok, Wechat बंदीचे आदेश

वॉशिंग्टन : चीनविरोधात भारतानंतर अमेरिकेने आघाडी उघडली असून राष्ट्राध्यक्ष डोनाल्ड ट्रम्प यांनी चिनी अॅप TikTok आणि Wechat च्या मालकांशी कोणत्याही प्रकारच्या व्यवहारांवर बंदी आणली आहे. एवढेच नाही तर मॉयक्रोसॉफ्ट किंवा अन्य कोणत्याही अमेरिकी कंपनीला ही अॅप खरेदी करता येणार नाहीत. यासाठी 15 सप्टेंबरपर्यंत बॅन करण्याचे आदेश दिले आहेत. ट्रम्य यांनी यासंबंधी आदेशावर सह्या केल्या आहेत.

ट्रम्प यांनी गुरुवारी सायंकाळी चिनी अॅप TikTok आणि Wechat अॅप अमेरिकेत 45 दिवसांच्या आत बंद करण्याचे आदेश दिले आहेत. याआधी सिनेटने एकमताने ही अॅप अमेरिकी अधिकाऱ्यांसाठी बंद करण्यास सहमती दिली होती. ही बंदी गरजेची होती. कारण अविश्वासू अॅपद्वारे अमेरिकन नागरिकांची माहिती गोळा करणे देशाच्या सुरक्षेसाठी धोक्याचे आहे, असे ट्रम्प यांनी म्हटले.

ट्रम्प यांनी सांगितले की, डेटा गोळा केल्याने चीनच्या कम्युनिस्ट पक्षाला अमेरिकन नागरिकांच्या खासगी आयुष्याची माहिती मिळते. याद्वारे चीन अमेरिकेच्या कर्मचारी आणि ठेकेदारांचे स्थान ट्रॅक करू शकणार आहे. एवढेच नाही तर याचा वापर चीव ब्लॅकमेलिंगसाठीही करू शकतो. तसेच कार्पोरेट हेरगिरीही करण्याचा धोका आहे.

US President Donald Trump issues executive order to address the 'threat' posed by TikTok, saying that beginning in 45 days, any transaction subject to US jurisdiction with ByteDance is prohibited: Reuters
(file pic) pic.twitter.com/Uv5bmTfZLy
— ANI (@ANI) August 7, 2020

टिकटॉक हे अॅप मायक्रोसॉफ्ट विकत घेणार होते. याबाबत बोलणी सुरु होती. मात्र, आता अमेरिकेने बंदी लादल्याने हा व्यवहार फिस्कटणार आहे. सध्यातरी यावर टिकटॉक, मायक्रोसॉफ्ट आणि वुईचॅटकडून कोणताही प्रतिक्रिया आलेली नाही. भारतात दोन महिन्यांपूर्वीच चीनची अनेक अॅप बॅन झाली आहेत.

US President Donald Trump, in letter to US Congressional leaders, says he is banning any transaction starting in 45 days with messenger app WeChat's owner Tencent: Reuters https://t.co/krkzf2yPlm
— ANI (@ANI) August 7, 2020